Diasabra mainta un patruya di Wardacosta a haya un boto para cla cu 4 homber Latino a bordo pa bay Venezuela den area na pier pabou di Barcadera. Na momento cu e personal di Wardacosta a bay controla e cuatro personanan cu tabata n’e boto, a haya 2 Venezolano y 2 Colombiano. A bay cu e cuatro personanan y e boto n’e base di Wardacosta na Savaneta. Dos di e personanan tabatin nan documentonan hunto cu nan y e otro dosnan no tabatin ningun documento hunto cu nan.
Wardacosta mesora a tuma contacto cu e ‘Unit Mensenhandel en Mensensmokkel’ (UMM) y UMM a indica cu dos di e hombernan cu nacionalidad Colombiano ta wordo busca pa husticia na Aruba pa diferente robo. A confisca e boto y lo keda na base di Wardacosta pa mas investigacion.
E personanan cu tabata wordo busca p’e robonan a bay cu personal di recherche di Cuerpo Policial di Aruba. E dos otro hombernan a bay cu personal di Guarda Nos Costa. E caso lo sigui den investigacion.
