Diadomingo anochi a tuma nota di un boto sospechoso nabegando for di awa Venezolano den direccion di Aruba. Inmediatamente a alerta personal di Wardacosta p’asina investiga esaki.
Na momento cu a yega cerca di e boto tipo ‘dinghy’, a tuma nota di dos persona di nacionalidad Venezolano sin e documentonan necesario pa por drenta Aruba di manera legal.
Den e ‘dinghy’ a tuma nota cu tabatin diferente boter di limonada. A controla profundamente e ‘dinghy’ pero no haya nada mas peculiar den e boto.
E miembronan di Wardacosta a detene e capitan y a entrega e persona na personal di Cuerpo Policial di Aruba.
A entrega e otro persona na personal di Guarda Nos Costa. E caso lo sigui den investigacion.
