Diadomingo anochi e Centro di Operacion Maritimo (MOC) di Wardacosta a detecta un contacto  sospechoso cu tawata nabegando den direccion di Aruba. MOC mesora a dirigi un boto  patruyero di Wardacosta den direccion di e contacto sospechoso. Tambe Wardacosta a informa Cuerpo Policial Aruba (KPA) cu a dirigi e helicopter di KPA pa detecta e contacto sospechoso.  

E boto sospechoso a keda identifica como un boto cu probablemente tawata transportando  bultonan di droga na bordo, por a mira 9 persona na bordo y diferente pakete. Wardacosta a  start cu un persecucion cu e boto Metal Shark. Durante di e persecucion e personanan a tira  algun pakete den lama. Despues cu a intercepta e boto, agentenan di Wardacosta a logra saca  e paketenan for di lama y a tow e boto hiba na e pir di Wardacosta. Una bes cu a yega na e pir  di Wardacosta e 9 personanan y e paketenan, cu un cantidad substancial di droga, a keda  entrega na KPA.  

LEAVE A REPLY

Please enter your comment!
Please enter your name here