Mientras nos a caba di celebra e temporada di fiesta, nos di Women’s Club of Aruba (WCA) a continua cu nos compromiso pa cu e muchanan di menos recurso den nos comunidad. Nos proyecto di fin di aña “Dress a Child” (DaC) ta focus pa bisti muchanan di 0 – 10 aña ful rond Aruba.
E biaha aki, e proyecto di DaC a tuma luga di 2 di december te 20 di december 2024 na shete establecimento cu a contribui generosamente na e causa. Esakinan ta: Giselle Department Store na Noord, Salinas Department Store na Paradera, Big Bazaar na Tanki Leendert, Geekay Department Store y Super Shopping na Oranjestad, KeKe Mega Mart na Cura Cabay, Alankar y Ambika Store na San Nicolas.
Chairman di e proyecto di DaC, Sra. Carmen Russel a comparti: “Pa 2024, WCA a bisti 396 mucha pa Pasco y Fin di Aña, cu ta casi 400 mucha. Pa nos di WCA, e cantidad aki ta un record nobo. Y esaki no lo tabata posibel sin e ayudo cu WCA a ricibi.”Un danki special p’e bon cooperacion di nos capitannan (captains), kende ta Marva Solagnier, Milagros Posner, Sjamella Violenus, Carmen Russel, Lelia Lacle, Jessica Molina, Roxanne Vieira y Norma Brinkenberg.
Ta gradici tur miembro di WCA y no miembro cu a bin yuda of contribui boluntariamente y a sostene e proyecto, como tambe nos sponsornan pa nan apoyo y tur otro instancia cu a haci donacion pa cu e proyecto aki.
Den nomber di Women’s Club of Aruba y e comision di “Dress a Child”, nos ta desea comunidad di Aruba un prospero aña 2025!