Gobierno a keda sorprendi
Ta ser bisa riba caya cu ta represaya pa a reduci salarionan gordo gordo
Diahuebs mainta Promer Minister di Aruba a informa cu WEB a haci un anuncio cu lo subi prijs di awa, sin haya un aprobacion di Gobierno. Segun Sra. Wever Croes a bisa, cu Gobierno ta sintando na mesa cu WEB pa asina evalua e situacion como tambe e peticion di WEB pa aumenta e tarifa di awa. E negosacion no ta asina leeuw y Gobierno no tabata na altura cu WEB lo sali bay haci tal anuncio. Esaki mas cu claro lo bay trece su consequencianan interno, pasobra Gobierno ta 100% doño di WEB y cualke cambio di tarifa of decisionnan di gran impacto, Gobierno mester duna su aprobacion. Ta ser bisa cu hefenan den WEB ta masha rabia mes cu a pasa e ley di regula salario maximo, pa cual como un contra reaccion a dicidi di haci e anuncio aki. SOLO DI PUEBLO no por a confirma si enberdad ta trata di cualke rabiamento of represaya. Hecho ta keda cu ta incorecto pa bay lansa anuncio cu Gobiero mes no ta na altura.