Envista di prijs di petrolio, no tin duda cu prijs lo mester subi
Diabierna mainta WEB ARUBA a manda informa cu nan ta cancela e anuncio riba subida di prijs. Manera a informa, a surgi un discucion entre Gobierno y WEB, unda WEB a manda anuncio, sin aprobacion di Gobierno. Esey no kemen cu e prijs lo no mester subi mas, pasobra tur hende cu poco sentido comun por sa cu prijs di awa y coriente lo mester subi. No na Aruba so, pero mundialmente, mirando e prijs di petroli. Sinembargo, awor tin poco mas tempo, pa asina Gobierno por negocia, discuti cu WEB pa mira si relamente e tarifa anuncia, te tarifa corecto.
