Desde cu Gobierno a anuncia projecto di LNG GAS, partido opositor AVP a cuminza haci masha hopi reclamo. Apesar cu ora AVP mes tabata den gobierno, nan a firma tur sorto di mal projecto pa Aruba, sin nunca bay parlamento, awe cu nan ta den oposicion nan kier lansa gritonan, di cual nan sa bon bon, cu ta gritonan politico.
WEB Aruba Nv ta un compania cu ta firma su contractnan su mes. E no mester permiso di parlamento ni di ministerraad. Ademas no ta minister ta firma e contract. Ta director di WEB mester firme.
Dia cu a cumpra tur turbina, WEB no a pidi permiso di parlamento. Dia cu firma e project fracasa cu Ecogas, tampoco a pidi permiso na parlamento. Dia a hedge, tampoco a pidi permiso. Pues, awor AVP kier bolter mundo, trece mal informacion pa pueblo, pa laga hende kere cu gobierno a haci algo malo.
Ta di lamenta e actitud di AVP. Cu engaño nunca bo ta gana e berdad!
