Web a informa cu e trabou di desmantelacion di tanki di Alto Vista ta bayendo hopi bon. E frame di e tanki a keda desmantela completamente. Awor ta sigui cu desmantelacion di su fundeshi. Ora esaki keda cla, lo prepara e tereno pa por construi e fundeshi pa e tanki nobo, cual lo ta mas hancho. E trabou di desmantelacion ta planea pa finalisa na di dos mitar di januari 2023. Keda pendiente pa mas update.
