Webinar “Tax Time” organisa door di IDEA cu colaboracion di DIMP tabata hopi interesante
ORANJESTAD – IDEA (Iniciativa pa Desaroyo pa Empresa Arubano) cu colaboracion di Departamento di Impuesto (DIMP) a organisa un webinar: “Tax Time” 15 september 2021.
E oradornan di (DIMP) tabata sra. Johrainne Lacle- Giron, sra. Lisandra Lacle y sra. Ruthline Webb y nan a presenta e siguiente topiconan:
- Inkomstenbelasting vs Winstbelasting;
- BBO/BAVP/BAZV;
- Loonbelasting y primanan social;
- Verzamelloonstaat y Verzamelstaat opgaaf derden;
- Reglanan nobo Fiscal y Kleineondernemingsregeling “KOR”.
Despues di e presentacion e oradornan di DIMP a contesta tur e preguntanan cu bin di parti di e participantenan. E contestanan ricibi tabata satisfactorio.
E webinar aki a tuma luga via e plataforma digital di Microsoft Teams y a haya un participacion di en total 60 persona. IDEA ta sumamente contento cu e contenido di e webinar y tambe di e bon comentarionan ricibi di su participantenan na final di e webinar y via email. E webinar aki tabata sigur hopi informativo.
IDEA su eventonan sa ta gratis y ta dedica na SME’s (Small & Medium Enterprises) y tur cu kier cuminsa un negoshi y cu kier educa nan mes riba diferente topico comercial.
Un danki na tur e participantenan y un danki special na e presentadonan di Departamento di Impuesto cu a comparti nan experticio cu tur esnan cu a join e webinarnan.
Sigui nos riba Facebook page @Idea-Aruba pa haya mas informacion tocanto nos webinar y otro actividadnan.
