E di diesshete edicion di Wente Vineyards & Arion Wine Company Golf Tournament 2025 lo cuminsa 12’or di merdia riba 27 di september 2025. Prome cu duna inicio n’e torneo, Eric Wente, un specialista den biña, di cuater generacion, y hefe di Emeritus n’e hunta di e compania di famia Wente Vineyards, lo yama bon bini na sponsors y hungadonan n’e Look-Out-Point na Tierra del Sol. Akinan lo tin un recepcion di bon bini, sirbiendo e miho biñanan di e vineyard.
E punto ta localisa entre 9th y 10th holes riba e cancha di golf, cu un bista spectacular di e isla. Wente lo tuma e oportunidad pa personalmente gradici tur sponsor y hungadonan pa nan participacion den e torneo di golf pa caridad aki, cual lo tuma luga e siguiente dia.
Tur fondo colecta n’e torneo lo bay na un iniciativa hopi necesario, cual lo keda revela durante e encuentro di recepcion. Wente Vineyards su seleccionnan di biña lo ta sirbi tambe durante e torneo di golf, riba e cancha, durante e torneo.
Managing Director Govert van der Hout ta splica cu Arion Wine Company ta organisando e torneo di golf aki pa diesshete aña caba, desde cu a funda e compania. Como representante di Wente Vineyards Aruba, e compania ta carga e coleccion completo, incluyendo e productonan di mas nobo y ofertanan recien.
Golf Pro James Kiley lo revisa e reglanan di torneo, den preparacion p’e forrmato di dos hungado scramble. Un ceremonia di premiacion lo sigui riba e mesun atardi, hunto cu un recepcion di biña y buffet, sirbiendo como un conclusion festivo p’e dia aki, disfrutando di delicioso cuminda y biña.
Eric Wente lo ta hungando e 18-hole golf course riba e dia aki y premiando e ganadonan n’e banquet sunset awards. Ta gradici tur sponsor Aruba Bank, Builders Windows & Doors, Plus Accountants, ASD, Aruba Aloe, Aruba Airport, Sotheby’s, Robertson Fire, SETAR, Safecom, Complete Logistics, H&H Fine Wine and Spirits, y Happy Insurance.
