Un anochi magico a culmina cu un donashon di $90,000
ORANJESTAD – Augustus – Long Table Aruba, un evento culinario caricativo presenta door di Wind Creek Aruba a surpasa tur expectativa celebrando e di cuater edishon diadomingo ultimo. E unico cena balora na $40.000 pa Aruba, Long Table a presenta un cena completamente na blanco na 1000 persona y anuncia e ganador absoluto cual a keda den nomber di esta Animal Welfare Alliance Aruba di $40.000 cu a ricibi mas voto.
E regreso di Long Table e anja aki no solamente ta wordo celebra como un re-introdukshon di e evento despues di 2 anja sino tambe e existencia di 5 anja di Wind Creek Hospitality na Aruba. Pa reconoce y celebra e gran ocashon aki, Wind Creek Aruba a premia un paar di fundashon nan cu a particpa den un video contest entre 10 pa 24 di Augustus ultimo.
E mission di Wind Creek ta, pa ta presente y envolvi den e comunidad cu nos ta biba y opera aden asina Sr. Paul Gielen, General Manager di Wind Creek Aruba a declara. E evento aki ta un celebrashon di nos proposito y e anja aki Long Table Aruba a surpasa tur expectativa. Mi no por ta mas orgoyoso di tur loque nos a logra awe nochi y con nos comunidad a bin hunto pa sostene nos instancianan caricativo.
E gran ganador di e premio maximo di $40.000 a resulta Animal Alliance Aruba, un instancia caricativo cu ta dedica na adoptashon y sterilashon di cacho y pushi. Cu e donashon aki Animal Welfare Allaince Aruba lo inicia su propio clinica di sterilisashon. Aruba Animal Shelter a keda na 2ndo lugar y a ricibi $10.000 pa por sigui cu nan bon trabou y mission pa mehora e calidad di bida di cacho y pushinan na Aruba.
Mirando e acogida inmenso durante di votashon di e videonan, Wind Creek Aruba a premia 4 organisashon extra di sorpresa cual kada un a ricbi $10.000
Stichting BOB Aruba
Pasadia Bibito Pin
Fundashon Arubano di esnan Visualmente Incapacita
Cas di Cultura
Desde e prome dia di Wind Creek na Aruba na anja 2017, impacto comunitario y ayudo den temponan dificil ta e pilarnan di e operashon di Wind Creek Aruba su propiedadnan. Como e evento mas significativo, Long Table Aruba a recauda den e prome tres anjannan mas cu $75,000 pa instancianan caricativo na Aruba. Cu e exito di e evento di e anja aki nos a surpasa e total di e suma di anjanan anterior y ta yega na un total di $165,000 pa Aruba
Mi ta kere loque cu ta destaka y ta hasi Long Table Aruba un evento unico no ta solamente e manera cu nos ta yuda nos instancianan local pero tambe con e ta trese e team completo di Wind Creek Aruba hunto. Nos ta asina afortuna di por mira e impacto positivo cu Long Table Aruba tin den tur cu ta involvi, di empleadonan pa guestnan pa fundashonan local y tur nos partinisadornan, nos ta sigui conta cu tur e sosten durante anjanan venidor asina Sr. Paul Gielen ta termina.
Masha Danki!
Pa loke ta e ‘Long Table’, Wind Creek Hospiality a ricibi cooperacion pa cera e caminda ya caba for di 12’or di merdia pa realisa e setup di e mesa largo cubriendo un parti di L.G. Smith Boulevard. Alrededor di 11’or di anochi a habri e caminda bek pa publico. Parti musical tabata den man di Duro Entertianment y DJ Sergio Barros. E anochi a keda conduci dor di srta. Aisette Rivera, host na Magic FM. Un evento manera ‘Long Table’ Aruba, no por tabata posibel sin algun patrocinador cu tambe tabata dispuesto pa un biaha mas duna nan aporte na e bunita proyecto aki. Wind Creek Hospitality conhuntamente cu Renaissance Wind Creek Aruba Resort ta gradici su staf y personal, tur e instancia nan cu a participa na e competencia di video nos main sponsers Caribbean Overseas, Tropical Bottling Company, Divino Aruba, Elite Productions, Arion Wine Company, Epress Events & Party Rentals, Bix Brandimports NV & Andmar Manpower como tambe ARTN Photography, Al Jazar, Antilla, All for you, Bright Bakery, Bersah, Bite! Communications, Compra, CBS, Carex, Caribbean Bakery, Duro Entertianment, Deli Caribbean, Discount Food Supplies, Delmar Trading, EcoTech, Flora Market, Frasa, Green Fish, High Performance, Hilton Aruba Caribbean, Huan Zhan, Ital Aruba, Interpan, Ling & Sons, Mercal, New York Laundry, Paleis Hindu, Pedel, Sunny Ray, Thunder N Lightning, TEC, & Zen Designs. cu a duna nan aporte na e magno evento. Pa mas foto por bishita Long Table Aruba su pagina di Facebook www.facebook.com/LongTableAruba.
