Women’s Club of Aruba (WCA) ta invita bo pa un evento espectacular di fundraising pa celebra nos di 90 aña di existencia! E evento cu tin como tema “Ready, Set, Bloom…!”, ta promete di ta un atardi yena cu entretenimento, cuminda delicioso, y un super bon ambiente.
Aki ta sigui e detayenan di nos fiesta. Fecha: Diadomingo, 29 di september 2024,
Orario: 3:00 – 7:30 pm, Localidad: Renaissance Convention Center, Dress code: Tropical Chic.
Durante e evento, tur presente lo disfruta di presentacion di musica di ‘N Fusion y Robert y su Solo Banda Show, cu lo duna ambiente di alegria y energia na e celebracion aki. E ticket ta inclui un cena trempan y cuatro (4) bebida sin alcohol pa disfruta durante e fiesta.
Prijs di ticket ta Afl.175,- y por cumpra esaki online na wca.celebrationeventtickets.com/vticket http://wca.celebrationeventtickets.com/vticket y pa otro forma di compra por yama 733-2020.
“Nos ta masha contento pa celebra nos aniversario cu un evento special cu ta reuni nos comunidad”, ta palabranan di Reina Geerman, presidente di WCA: “E no ta solamente un celebracion di nos 90 aña di servicio, pero tambe un oportunidad pa sigui apoya nos proyectonan local pa haci un impacto positivo riba Aruba”.
A funda Women’s Club of Aruba na 1934 y nos organisacion ta dedica na trece cambio positivo den comunidad pa medio di proyectonan di boluntario y esfuersonan caritativo. E fondo cu nos ta recauda durante e evento aki ta pa yuda sostene e proyectonan aki, cu ta na beneficio di nos isla.
No perde e oportunidad pa un atardi inolvidabel di musica y baile! Bin celebra 90 aña di servicio cu WCA y yuda nos continua cu nos trabou importante pa comunidad di Aruba.
Pa mas informacion tocante cooperacion por tuma contacto cu nos na telefon 733-2020,
via e-mail info@wca-aruba.com, riba nos plataformanan social di Facebook, Instagram
of LinkedIn.
