Pa luna di december, nos di Women’s Club of Aruba (WCA) ta dedica nos mes na nos proyecto di mucha Dress a Child, cu ta tambe nos “signature project”.
Originalmente e proyecto aki a cuminsa na 1997 pa bisti muchanan di menos recurso pa temporada di Pasco y fin di aña. Asina e aña aki, di 1 pa 12 di december ultimo, WCA a bisti mas of menos 413 mucha di edad 0-10 aña di diferente districto y na diferente tienda riba nos dushi isla.
E miembronan encarga cu e proyecto aki na e diferente tiendanan, bou guia di Chairman Sjamella Violenes ta manera ta sigui:
Playa y vecindario: capitan Lelia Laclé na Geekay Department Store.
Dakota y vecindario: capitan Bernadette Schouten na Super Shopping.
Noord y vecindario: capitan Marva Solagnier na “Giselle” Department Store.
Tanki Leendert y vecindario: capitan Carmen Russel na Big Bazaar Tanki Leendert.
Paradera / Santa Cruz y vecindario: capitan Milagros Posner na Salina Department Store.
Brazil / San Nicolas y vecindario: capitan Norma Brinkenberg y capitan Roxanne Vieira na KeKe Mega Mart y Ambikaa.
E parti financiero di e proyecto tabata na encargo di Aquannette Gunn.
WCA kier a gradici directiva y personal di e tiendanan ariba menciona cu a duna nan cooperacion pa e bunita proyecto aki y ta yama danki na un y tur cu di un forma of otro a coopera cu e proyecto aki, principalmente Alhambra Casino, Old School Bikers , miembronan di WCA y tur persona den comunidad di Aruba cu a coopera cu nos proyectonan pa recauda fondo, entre otro nos “Blooming Bingo 2025”.
WCA ta haci uzo di e oportunidad aki pa desea pueblo di Aruba en general feliz dianan di fiesta y un Prospero Aña 2026!
