Den dianan festivo di december, Aruba ta enfrentando un ola precupante di accidente di auto, algun di nan cu consequencia fatal. Exceso di velocidad y imprudencia na stuur ta factornan crucial den e incidentenan aki, poniendo seguridad di tur ciudadano na peliger.
Tur dia nos ta mira un aumento alarmante den e cantidad di accidente, reflehando e urgencia di un yamada na consentisacion di uso di caminda. 40 accidente riba un solo dia ta un cifra record!
Chauffeurnan cu ta core manera si no tin mañan y ta causa daño na seguridad riba camindanan, poniendo no solamente nan bida na peliger, pero tambe esun di esnan cu ta comparti e trafico diario.
Na e momento critico aki, nos ta haci un yamada ferviente na tur automobilista pa refleha riba nan accionnan na stuur. Si, december por ta un luna di drukte y actividadnan festivo, pero siguridad di caminda no mester ser sacrifica pa e bida baloroso di cada individuo riba caya, y ta responsabilidad di cada chofer pa contribui na un ambiente di caminda mas sigur.
E outoridatnan kompetente ta urgi pa respeta e limitacionnan di velocidad, evita distraccion ora di stuur iy practica pasenshi den trafico. E colaboracion di cada chofer ta esensial pa reduci e tendensia peligroso aki i garantisa un fiesta sigur pa tur hende.
Den e temporada di celebracion aki, nos ta pleita pa responsabilidad riba caminda y respet mutuo riba caminda. Laga nos hasi un luna di december unda caminda siguridad ta prevalese, y no laga e precion pone bida inosente na peliger. Laga nos core cu consenshi y hasi nos camindanan un luga sigur pa tur hende!
