Ora bo curason ta yen di e palabra di Dios, bo ta bira un lus pa e mundo.
Pasobra tur locual hende ta papia ta sali for di nan curason, y su bo curason ta yen di e palabra di Dios , bondad, sabiduria, y hopi amor ta sali for di bo boca.
E palabra di Dios ta sana curason.
E palabra di Dios ta trece liberacion,
E palabra di Dios ta restaura, bida, matrmionio y famia.
E palabra di Dios tin poder pa destrui maldad.
E palabra di Dios ta trece lus den scuridad.
E palabra di Dios ta trece sanacion.
E palabra di Dios ta proclama libertad,
E palabra di Dios ta trece Salbacion.
E palabra di Dios ta duna nos speransa y confiansa,
E palabra di Dios ta fiel y berdadero.
Ora nos curason ta yena cu e palabra di Dios, nos lo papia algo y e lo sosode, pasobra nos ta papia den e boluntad di Dios, y boluntad di Dios semper lo prevalece.
No lubida for di un curason cu ta yena cu e palabra di Dios, cosnan bon ta sali.
Pero for di un curason cu ta yena cu maldad, falsedad y inmoralidad, cos malo ta sali, pasobra locual e curason ta yen di dje e boca ta papia.
Pesey bo palabra ta bo fruta, y na bo palabra, hende ta sa ken bo ta, pasobra bon palabra ta representa bon actitud, bon consenshi, bon actitud ta hiba na bon fruta.
Pero ora e boca ta yena cu palabra sushi , esey ta bira parti di e curason cu ta yen, y e ora ey bo fruta lo ta mal pensamento,mal consenshi, mal actitud,cual ta hiba perdicion.
Awor bo por pensa, con nos por sali for di mal pensamento, mal actitud, y alcansa bon pensamento y bon fruta, cual ta e boluntad di Dios pa nos bida.
Den 1 Juan 1:9 ta para scirbi: Si nos confesa nos picanan, E ta fiel y husto di pordona nos , nos picanan y pa limpia nos di tur inhusticia.
Nos confesion na Dios, ta haci nos consenshi y nos curason limpi, pa asina nos por ricibi di Dios cu ta cla tur momento pa bendiciona nos.
Romanonan 12:2 ta recorda nos tur algo cu mester wordo haci den nos bida: No sea conforme e mundo aki, ma sea transforma, pa medio di e renobamento di boso mente,pa boso por comprende kico ta e bon y agradabel y perfecto boluntad di Dios.
Ora nos curason ta yen di e palabra di Dios ta sosode lo siguiente cu nos:
Lo bo warda den pas perfecto esun cu su pensamento ta permanece den Bo, pasobra e ta confia den Bo.( Isaias 26:3).
Mi yiu paga atencion na mi palabranan,inclina bo horea na loke mi ta bisa. No laganan kita for di bo bista,wardanan den bo curason. Pasobra nan ta bida pa esnan cu hanja nan y salu pa henter nan curpa.
(Proverbionan 4:20-21-22).
Den Salmo 34:11-14 ta para scirbi un advertencia pa tur hende, pa nos sa con pa evita problema, y pa nos yena nos curason cu e palabra di Dios, lesa bon kico e ta bisa y laga e keda den bo memoria:
Mi yiunan scucha mi, Lo mi sinja boso e temor di Senjor:
Ta ken ta e hende cu ta desea bida, y ta stima bida largo, pa e por mira bondad?
Warda bo lenga di maldad, y bo lipnan di papia enganjo.
Aparta bo mes di maldad,y haci bon, busca pas y sigui’e.
Yena bo curason cu e Palabra di Dios.
Sinceramente,Pastor Marcel Balootje
