Hesus a enfrenta morto cu curashi y a traha un caminda pa nos pasa door di dje. Hesus a purba morto pa nos tur. (Hebr. 2,9) Na momento cu El a drenta den e angustia di morto, manera un pionero El a haci un entrada den bida pa nos tur pa medio di djE. Awor morto a wordo venci y ta djis un pasashi pa algo mas. Den Bijbel, e buki di Sabiduria ta siña nos cu ”Dios no a traha morto y E no ta deleita den morto di e bibonan.”(Sab. 1,13) Tabata maldad cu a introduci morto den nos mundo. Riba Cruz, Hesus a carga e peso completo di e forsa di morto. Den un lucha cosmico, morto a busca pa gana victoria riba e Yiu di Dios, Hesus. El a vence pica prome, tambe efecto di pica cu ta morto. Ora El a lucha cu morto, El a gana victoria riba dje y a transforma morto den un rito di cambio, un pasashi nobo. En bes morto ta e tempo cu bida a caba; awor el a bira e tempo cu bida ta cambia y un bida nobo ta cuminsa.
Oracion: Hesucristo duna mi e gracia pa carga mi cruz di tur dia y sigui Bo. Amen.
