Zahyon Klaber a participa un biaha mas na nos Madre Patria Hulanda y a logra gana e titulo maximo pa di tres biaha den e campeonato Hulandes Nederlands Kampioenschap NK di Taekwondo na Almere.
Zahyon Klaber a gana su pelea final cu un KO.
E tres rumannan Klaber a bringa bou guia di ex campeon Mundial y coach Olimpico Grand Master Henk Meijer. Nan a train na Sidokwan Hoogeveen y na Taekwondo School Henk Meijer na Groningen pa preparapa Nederlands Kampioenschap NK hunto cu e team di Grand Master Henk Meijer.
Jourde y Joshua Klaber a yega te final y a logra sali na di dos luga na Hulanda.
Esaki ta e di tres biaha cu e rumannan Klaber ta participa den Nederlands Kampioenschap NK y Zahyon Klaber a logra mantene su titulo di campeon, mientras cu Joshua Klaber a sali pa di tres biaha na di dos luga y Jourde Klaber ta sali na di dos luga pa di dos biaha.
Pabien na e tres rumannan Klaber cu nan logro triunfante di parti di Taekwondo Team Aruba.Danki na e team completo di Aruba y Hulanda cu ta tras di e preparacion di e rumannan Klaber. Masha Danki pa e guia, dedicasion, atencion, pasenshi y amor.
