E siman aki, e conflicto entre Ucrania i Rusia a intensifica. Presidente ucraniano Volodímir Zelensky ta informa cu Rusia a lansa “cientos di atake” riba Ucrania, causando daño significativo na infrastructura i bida humano.
Trump: “Ucrania por no sobrevivi e guerra, ni cu ayudo di Merca”
Di su banda, presidente Donald Trump a expresa duda tocante e capacidad di Ucrania pa sobrevivi e conflicto cu Rusia, asina mes cu sosten di Merca. El’a defende su decision pa reduci e asistencia na Ucrania, enfatizando cu Europa no tin e forsa pa sostene Kyiv sin ayuda mericano.
Suspension di ayuda militar i precion pa paz
E gobierno di Trump a suspende e ayuda militar i di inteligencia na Ucrania. E posibilidad di reanuda ta depende di un acuerdo mineral. E medida aki a pone precion riba Zelensky pa busca un solucion diplomatico, cu algunan ta percibi como un intento di extorsion.
Reunion pendiente entre Ucrania i Merca
Ucrania ta prepara pa un reunion cu Merca e siman aki na Arabia Saudita, mientras cu ta resisti un ofensiva rusa na Kursk. E delegacion ucraniano lo ta dirigi pa e jefe di diplomacia Andrí Sibiga i otro funcionario nan halto.
Zelensky ta busca negociacion directo cu Trump
Den un esfuerzo pa busca paz, Zelensky a expresa su deseo pa traha directamente cu Trump pa yega na un acuerdo pa finaliza e conflicto, pero e desconfianza entre e liderenan ta complica e posibilidadnan di un negociacion exitoso.
E situacion actual ta keda tenso. E futuro di Ucrania i su relacion cu Merca ta depende di e desaroyonan di e proximo reunionan diplomatico i e capacidad di e lidernan pa yega na un acuerdo pa paz sostenibel.
