Diadomingo den oranan di atardi den careda di 6’or patruya di Playa a spot un Hyundai Van H1, coriendo zig zag.
ROTONDE CUMANA
Pariba di rotonde Cumana polis a cende su luznan y dune ordo pa para, locual e chauffeur a cumpli cu ne.
Polis a baha y papiando cu e chauffeur por a ripara cu e chauffeur a bebe, door di e holor di alcohol.
Tambe e chauffeur no tawata tin su rijbewijs, debi cu nan a “kita” esaki. Ariba e Van tawata tin daño fresco, indacando cu posiblemente e la dal e Van un caminda.
Alco Sensor
Transportwagen a yega prome y despues di algun rato un segundo patruya a yega cu e aparato.
A splica e chauffeur kiko e mester e haci.
E la supla y e machine no por a midi esaki door cu e la bebe masha hopi mes.
E la wordo deteni y transporta pa warda unda cu Sub Fiscal lo determina kiko lo bay pasa.
