Diahuebs promer cu Parlamento a baha cu reces nos por a tuma nota di un AVP dividi y hopi keto. Tabata na momento cu Presidente Sneek a yama un reunion den pura pa trata e โgevoelensโ di Parlamento pa Baba Herde por a huramenta e mesun atardi como minister.
Mientras cu e reunion riba agenda tabata cu Aruba Paralympic Committee kendenan ya tabata den sala a nota cu Presidente di Parlamento a cancela e reunion aki e momento ey y a laga saca e representantenan for di sala, yamando un reunion cu urgencia pa trata โgevoelensโ pa Baba Herde por bira Minister. AVP a pusha e agenda aki paso nan sa cu reces lo bin aden y tur esnan den AVP cu ta rabia manera Otami y Heyliger kendenan lo mester laga nan sosten na San Nicolas y Mike de Meza cay pa sostene Baba Herde lo baha cu vakantie. Durante vakantie nan rabia lo baha y pa augustus nan lo ta contento y kla pa sali defende Baba Herde y e Coalicion riba tur tema. E strategia di AVP a traha te cu awor. Otami y Heyliger ta keto keto y ta gosando di nan vakantie. Nan a guli e pruim felismente pa con zuur cu e tabata ta .
๐๐ฅ๐ข๐๐๐จ๐ซ๐ ๐๐๐ฒ๐ฅ๐ข๐ ๐๐ซ ๐ง๐ฎ๐ง๐๐ ๐ฆ๐๐ฌ ๐๐๐ง ๐ฌ๐ฎ ๐๐ข๐๐ ๐ฅ๐จ ๐๐ข๐ซ๐ ๐ฆ๐ข๐ง๐ข๐ฌ๐ญ๐๐ซ:
Parlamentario Endy Croes ta splica cu Clifford Heyliger representante di San Nicolas nunca pero nunca mas den su bida lo haya un oportunidad asina pa bira minister. Parlamentario Croes ta manda bisa Clifford pa e corta e artikel aki y plak e den su kamber. Un hoben cu tin tur e conocemento y experencia den energia mester a dobla pa laga San Nicolas cay manera patia berde. Clifford Heyliger a grita โvoorโ den Parlamento pa Baba Herde di 74 aรฑa mas 4 pensioen bira minister representando San Nicolas su dilanti. Na papiamento criyoyo nos ta yama un politico asina un Politico di Pan Lefi! Pues un politico sin weso di lomba. Clifford Heyliger lo carga desde awor enadelante e โapodoโ di un Politico di Pan Lefi. Corda e dicho โwhat goes around comes aroundโ! Parlamentario Endy Croes por a spera esaki di Otami pero nunca di Clifford Heyliger. Pa sirbi interes di partido y cumpli cu deseo di Mike Eman, Clifford Heyliger mester a actua asina. Esaki ta significa cu Clifford Heyliger a laga tur su principio cay pa bay na amen di otro. Esaki ta e puro berdad. Bay splica Bo votadornan y bo sostenedornan. Con nan por kere den Bo den futuro? Hamas! Ora Bo ta Parlamentario Bo ta sirbi โInteres Generalโ y no interes di Partido. Den Clifford Heyliger su caso el a sirbi interes di partido AVP riba interes general. Clifford Heyliger a sacrifica San Nicolas y a horca su mes pa beneficia un pensionado cu 4 pensioen, cu no a bay elecion y cu 0 voto. Nos amigo Ady Thijsen tin un dicho ta bisa cu โPolitica ta cruelโ. Wel como politico abo mes a escohe pa sostene partido AVP den un decision cu no tin sentido pa pais Aruba. Cu e mesun moneda e votadornan lo percura pa paga Bo bek maรฑan. Bo escogencia fofo y debil di no para pa principio y pa bo districto lo siรฑa bo e les di bida. Nos ta lamenta cu den 2025 ainda Aruba por tin un Politico di Pan Lefi manera Clifford Heyliger. Esaki tabata Bo unico oportunidad di โoroโ den Bo bida cual Bo persona a desprecia door di no para pa Bo principio. Corda esaki pa semper. Nunca pero nunca mas Bo lo haya un oportunidad asina pa asumi un puesto di Minister y sirbi Bo pais y den e caso aki por a hasi e diferencia pa San Nicolas. Bay roga Baba awor pa cumpli cu Bo vision y deseo y nos lo recordabo esaki den proximo eleccion.
