Awe den oranan di marduga Kustwacht conhuntamente cu Cuerpo Policial di Aruba (KPA) a intercepta un boto den awanan teritorial di Aruba cu indocumentadonan a bordo cu a purba di drenta nos isla na un forma ilicito.
A captura un total di 22 persona riba e boto di cual 2 persona femenino y 20 persona masculino.
A haci un control extenso di cada persona, caminda a sali afo cu ningun persona abordo tawata tin permiso di estadia legal na Aruba. Banda di esaki a topa cu un cantidad di animal exotico, entre otro 2 macaco y 26 parha. Tur e personanan a wordo traspasa pa Guarda nos Costa y e animalnan a wordo entrega na Veterinaire Dienst.
E caso ta sigui bou di investigacion di e unidad Mensenhandel Mensensmokkel (KPA).Di parti di Ministerio di Husticia y Asuntonan Social nos ta felicita e tremendo trabou un bes mas di parti di e departamentonan cu ta forma parti di e strategisch grensoverleg, percurando pa mantene siguridad na nos frontera.
Na mes momento mester bisa cu esaki ta danki na e radarnan cu tambe a capta e seรฑalnan na tempo, cual dentro di poco e di tres radar lo keda instala asina percurando pa nos isla ta hermeticamente sera.
