Minister Dangui Oduber ta trece dilanti cu luna di januari 2022 no obstante cu tawata tin un caida grandi den cantidad di bishitante di casi 45% toch e cantidad di placa cu turistanan ta laga atras den nos economia a conoci un recuperacion hopi bon. Un di e indicadornan di mas importante pa midi resultado di turismo pa nos economia ta e tourism receipt cu ta e cantidad di placa cu turistanan ta laga atras den nos economia. Otro indicadornan cu tambe ta importante ta e cantidad di bishitante, REVPAR y grado di occupacion. Minister Oduber sigur ta considera e tourism receipt esun di mas importante pasobra esaki ta midi cuanto placa turistanan ta laga atras den nos economia.
Minister Oduber a trece dilanti cu apesar cu Omicron a ocaciona un caida den e cantidad di turista cu ta bishita Aruba den e luna di januari y februari, tog no por bisa cu e tabata un luna malo. E mandatario ta basa su mes riba e informacion duna pa Centrale Bank caminda ta mustra cu e cantidad di placa cu turistanan ta laga atras den nos economi cu cada turista ta laga atras den nos economia (tourism receipts) a recupera cu 79% den comparacion cu januari 2019. Cu otro palabra maske cu Aruba a ricibi menos turista, e turista cu a bin Aruba na januari 2022 a gasta hopi placa den nos economia segun Centrale Bank.
Aรฑa 2019 manera tawata conoci como un di e mihor aรฑanan den nos historia pa loke ta turismo y pa nos por recupera 79% di e tourism receipt no obstante e caida den bishitante ta hopi bon.
Pa e luna di februari 2022 tin proyecta un grado di recuperacion di tourism receipt di 81% den comparacion cu aรฑa 2019.
Minister Dangui Oduber lo sigui infoma su pueblo debidamente y lo aclara cualkier ponencia cu no ta cuadra cu e realidad. E mandatario ta keda sumamente optimista di con henter e aรฑa 2022 lo bay caminda lo bai focus riba recuperacion di 100% di nos turismo.
