𝐏𝐀𝐑𝐋𝐀𝐌𝐄𝐍𝐓𝐀𝐑𝐈𝐎 𝐗𝐈𝐎𝐌𝐀𝐑𝐀 𝐌𝐀𝐃𝐔𝐑𝐎: 𝐂𝐔 𝐌𝐄𝐍𝐎𝐒 𝐂𝐎𝐍𝐓𝐑𝐎𝐋 𝐘 𝐌𝐄𝐍𝐎𝐒 𝐓𝐑𝐀𝐍𝐒𝐏𝐀𝐑𝐄𝐍𝐂𝐈𝐀, 𝐊𝐈𝐂𝐎 𝐋𝐎 𝐊𝐄𝐃𝐀 𝐃𝐈 𝐋𝐍𝐓?

Minister Wever ta propone cuatro cambio grandi den e LNT. E pregunta principal ta: 𝘬𝘦𝘯 𝘭𝘰 𝘤𝘰𝘯𝘵𝘳𝘰𝘭𝘢 𝘦 𝘴𝘢𝘭𝘢𝘳𝘪𝘰𝘯𝘢𝘯 𝘥𝘦𝘴𝘱𝘶𝘦𝘴, 𝘴𝘦𝘨𝘶𝘯 𝘤𝘶𝘢 𝘯𝘰𝘳𝘮𝘢 𝘺 𝘤𝘰𝘯 𝘗𝘢𝘳𝘭𝘢𝘮𝘦𝘯𝘵𝘰 𝘺 𝘱𝘶𝘦𝘣𝘭𝘰 𝘭𝘰 𝘱𝘰𝘳 𝘷𝘦𝘳𝘪𝘧𝘪𝘤𝘢 𝘦𝘴𝘢𝘬𝘪?

𝟭. 𝗦𝗮𝗰𝗮 𝗰𝗼𝗺𝗽𝗮𝗻𝗶𝗮𝗻𝗮𝗻 𝗴𝘂𝗯𝗲𝗿𝗻𝗮𝗺𝗲𝗻𝘁𝗮𝗹 𝗳𝗼𝗿 𝗱𝗶 𝗟𝗡𝗧

Minister ta bisa cu e companianan aki ta opera comercialmente y cu Gobierno, como accionista, por controla salraio di nan top funcionarionan. Pero si nan sali for di bou di e LNT, e limite stipula den ley lo disparce. Control lo pasa pa decisionnan cu Gobierno ta tuma como accionista. Esaki por significa cu cada Gobierno lo aplica su propio criterio. Ademas, no tur compania gubernamental ta opera den competencia liber, algun tin un posicion exclusivo of ta brinda servicio publico.

Minister mester presenta:

• Un lista di tur compania cu lo sali.
• Cua ta opera realmente den competencia.
• Nan salario actual compara cu e limite di LNT.
• E sistema cu lo reemplasa e control legal.
• Con Parlamento y pueblo lo por controla e decisionnan salarial.

𝟮. 𝗦𝗮𝗰𝗮 𝗱𝗶𝗳𝗲𝗿𝗲𝗻𝘁𝗲 𝗲𝗻𝘁𝗶𝗱𝗮𝗱 𝗽𝘂𝗯𝗹𝗶𝗰𝗼 𝗳𝗼𝗿 𝗱𝗶 𝗟𝗡𝗧
Minister ta propone pa elimina articulo 2, prome lid, sub c, ten 2°. Como consecuencia, APFA, FCCA, Fondo Nacional pa Vivienda, Hospital y Laboratorio Medico lo sali for di e LNT. Esaki ta trata di entidadnan cu ta administra pensioen, vivienda social, cuido medico y otro interes publico. Si nan sali for di e LNT, nan top funcionarionan lo no ta liga mas na e limite salarial riba fundamento di e disposicion aki.

Gobierno mester splica:

• Si solamente e cinco entidadnan aki lo sali of tin mas.
• E motibo individual pa saca cada entidad.
• Cua fondo publico cada entidad ta ricibi of administra.
• E consecuencia financiero.
• Cua garantia lo evita aumento salarial sin limite y sin control publico.

E pregunta ta: 𝘀𝗶 𝘂𝗻 𝗲𝗻𝘁𝗶𝗱𝗮𝗱 𝘁𝗮 𝗮𝗱𝗺𝗶𝗻𝗶𝘀𝘁𝗿𝗮 𝗽𝗹𝗮𝗰𝗮 𝗼𝗳 𝘀𝗲𝗿𝘃𝗶𝗰𝗶𝗼 𝗽𝘂𝗯𝗹𝗶𝗰𝗼, 𝘁𝗮 𝗿𝗲𝘀𝗽𝗼𝗻𝘀𝗮𝗯𝗲𝗹 𝗽𝗮 𝗸𝗶𝘁𝗮 𝗲 𝗻𝗼𝗿𝗺𝗮 𝘀𝗮𝗹𝗮𝗿𝗶𝗮𝗹 𝘀𝗶𝗻 𝗶𝗻𝗱𝗶𝗰𝗮 𝗰𝘂𝗮 𝗰𝗼𝗻𝘁𝗿𝗼𝗹 𝗹𝗼 𝗿𝗲𝗲𝗺𝗽𝗹𝗮𝘀𝗮 𝗲𝘀𝗮𝗸𝗶?

𝟯. 𝗞𝗶𝘁𝗮 𝗲 𝗯𝗶𝗷𝗹𝗮𝗴𝗲 𝗳𝗼𝗿 𝗱𝗶 𝗲 𝗹𝗲𝘆 𝗳𝗼𝗿𝗺𝗮𝗹
Actualmente e bijlage di LNT ta forma parti di e ley y por cambia solamente cu aprobacion di Parlamento. Minister kier move e lista pa un nivel legislativo mas abou. E cambio por haci e sistema mas flexibel, pero tambe por reduci control democratico. Gobierno lo por agrega of elimina entidadnan mas facilmente, sin un debate completo y posiblemente sin aprobacion previo di Parlamento.

Minister mester splica:

• Na cua nivel legislativo e lista lo wordo regla.
• Ken lo por cambia e lista.
• Cua criterio lo determina si un entidad ta drenta of sali.
• Cua rol Parlamento lo conserva.
• Con Gobierno lo evita decisionnan politico of sin suficiente motivacion.

𝗠𝗮𝘀 𝗳𝗹𝗲𝘅𝗶𝗯𝗲𝗹 𝗻𝗼 𝗽𝗼𝗿 𝘀𝗶𝗴𝗻𝗶𝗳𝗶𝗰𝗮 𝗺𝗲𝗻𝗼𝘀 𝘁𝗿𝗮𝗻𝘀𝗽𝗮𝗿𝗲𝗻𝘁𝗲 𝗼𝗳 𝗺𝗲𝗻𝗼𝘀 𝗰𝗼𝗻𝘁𝗿𝗼𝗹.

𝟰. 𝗥𝗲𝗲𝗺𝗽𝗹𝗮𝘀𝗮 𝗲 𝗺𝗮𝘅𝗶𝗺𝘂𝗺𝗯𝗲𝗱𝗿𝗮𝗴 𝗴𝗲𝗻𝗲𝗿𝗮𝗹
Actualmente LNT tin un limite general di Afl. 369.000. Minister kier reemplasa esaki cu diferente limite adapta na funcion, sector y realidad regional. Un sistema diferencia por tene cuenta cu responsabilidad y escasez di profesionalnan. Pero sin criterio cla, e por trece desigualdad, excepcionnan amplio y aumento salarial. Si casi cada funcion haya su propio norma, LNT por perde su funcion como limite efectivo.

Parlamento mester haya sa:

• E sumanan y categorianan concreto.
• E paisnan y institucionnan cu lo wordo uza pa compara.
• E metodologia pa calcula cada limite.
• E cantidad di top funcionario cu lo haya un limite mas halto.
• E costo adicional pa sector publico.
• E motibo pakico articulo 12, cu ya ta permiti excepcion, no ta suficiente.

𝗞𝗶𝗰𝗼 𝗹𝗼 𝗸𝗲𝗱𝗮 𝗱𝗶 𝗟𝗡𝗧?

Gobierno kier saca companianan y entidadnan for di LNT, move e lista pa un nivel legislativo mas abou y reemplasa e limite general cu diferente norma. Sinembargo, Gobierno ainda no a presenta e sistema cu lo reemplasa e controlnan existente. Sin claridad riba 𝘬𝘦𝘯 𝘵𝘢 𝘬𝘦𝘥𝘢 𝘣𝘰𝘶 𝘥𝘪 𝘓𝘕𝘛, 𝘤𝘶𝘢 𝘭𝘪𝘮𝘪𝘵𝘦 𝘵𝘢 𝘤𝘰𝘯𝘵𝘢, 𝘬𝘦𝘯 𝘱𝘰𝘳 𝘤𝘢𝘮𝘣𝘪𝘢 𝘦 𝘳𝘦𝘨𝘭𝘢𝘯𝘢𝘯 𝘺 𝘤𝘰𝘯 𝘗𝘢𝘳𝘭𝘢𝘮𝘦𝘯𝘵𝘰 𝘱𝘰𝘳 𝘤𝘰𝘯𝘵𝘳𝘰𝘭𝘢, Parlamento no por duna un opinion responsabel.

𝗖𝘂 𝗺𝗲𝗻𝗼𝘀 𝗰𝗼𝗻𝘁𝗿𝗼𝗹 𝘆 𝗺𝗲𝗻𝗼𝘀 𝘁𝗿𝗮𝗻𝘀𝗽𝗮𝗿𝗲𝗻𝗰𝗶𝗮, 𝗲 𝗽𝗿𝗲𝗴𝘂𝗻𝘁𝗮 𝘃𝗮𝗹𝗶𝗱𝗼 𝘁𝗮, 𝗸𝗶𝗰𝗼 𝗹𝗼 𝗸𝗲𝗱𝗮 𝗱𝗶 𝗲 𝗟𝗡𝗧?