Bintidos (22) investigador ta drenta e siguiente fase di e programa di PhD Scholarships 2025. A selecciona e investigadornan aki pa desaroya nan idea inicial den un aplicacion completo pa un beca pa haci un PhD.
For di idea inicial te na aplicacion completo
Na fin di 2025 y inicio di 2026, un comision di bintitres (23) investigador caribense a evalua e ideanan di sententidos (72) candidato. A base di esaki, e comision a recomenda pa permiti bintidos (22 ) candidato sigui pa e siguiente fase. Directiva di NWO a tuma e recomendacion aki na fin di maart 2026.
Evaluacion cuidadoso
Un minimo di tres (3) y un maximo di cinco (5) miembro di comision a revisa cada entrega. Nan a duna puntonan y un contesta substancial. A base di esaki a conseha bintidos (22) candidato pa sigui. Esaki ta mas cu e cantidad stipula pa e elaboracion completo, debi na e calidad halto di e aplicacionnan preliminar cu nan a entrega.
Oportunidad pa reaccion
Candidatonan cu no a cay den e seleccion por a responde riba hechonan incorrecto den e evaluacion. E comision a bolbe revisa e contestanan aki. Aunke nan a ahusta algun evaluacion, esaki no a conduci na un seleccion final diferente.
Inicia cu e aplicacion
E candidatonan selecciona a ricibi tur informacion necesario caba pa scirbi nan aplicacion completo. Nan tin te cu 26 di mei 2026, 11:00 AST/17:00 CEST pa entrega esaki na NWO.
Cua ta e siguiente pasonan?
Den zomer, e comision lo lesa tur e aplicacionnan completo. A base di esaki, e miembronan di comision lo indica tocante cua topico di e candidatonan nan tin pregunta ainda. Despues di esaki, lo sigui cu e entrevistanan cu e bintidos (22) candidatonan den herfst. Na november 2026 lo anuncia ken lo haya e shete (7) becanan pa haci un PhD.
Mas informacionBo kier sa mas tocante e programa of e procedura? Bishita e website di www.nwo.nl of tuma contacto cu nos via phd-caribbean@nwo.nl.
