E duo femenino di Beach Volleyball Nayah Whitfield y Davy ann Eduards a gana medaya di plata den e competenia di CAZOVA U18 “Youth Olympic Qualifier” na Trinidad & Tobago. Cu determinacion, persistencia y entusiasmo e atletanan a bataya te final den e competencia. Un competencia contra paisnan manera Haiti, Trinidad, & Tobago, Barbados, Cayman Islands, Martinique, U.S. Virgin Islands, Saint Kitts & Nevis.
Nayah Whitfield/Davy-ann Eduards a crese den nan weganan y finalmente nan a bay finale pa e “Golden Match”. Nan a keda na di 2 luga y a yega Aruba cu nan Copa di Plata. E duo masculino cu ta Victor Mitchell y Joshua Hoepelman tambe a competi na e Beach Qualifier aki. Dos atleta hoben y talentoso cu a haya hop elogia pa nan talento y tambe nan dominio di e parti tecnico di e deporte di Beach volleyball. Nan a lucha den e competencia aki pero no a cay den medaya.
E hoben nan aki a representa Aruba na un bon manera. Nan a promote Aruba, y a demostra nan talento pa cu e deporte di Beach Volleyball. Aruba Volleyball Association ta felicita tur e atletanan cu e bunita logra aki. Un bunita prestacion!
Ta gradici Lotto pa Deporte, Sportsubsidie Aruba pa nan apoyo y sosten financiero cu ta necesario ora ta competi den competencia significante. Un danki grandi na sponsors y B0 Potret.
Pabien Atletanan!
