Despues di a retira di AVP na maart 2022, e abogado y ex-parlamentario Desiree Croes a comparti den un video riba Facebook un bishita sorpresa. Segun Croes, Gerlien Croes a bishit’e na su oficina unda nan a papia pa mas of menos tres ora. Croes a compronde despues cu Gerlien a bishit’e pa “fula tera” y wak si e lo tabata interesa pa join e movecion di Gerlien pa un partido nobo.
Desiree Croes a describi e combersacion como “ameno”, unda e a duna Gerlien conseho y a scucha su “dolor den partido”. Croes a aclarea cu su motibo pa retira di AVP tabata puramente pa su creencianan riba derechonan humano y no pa cuminsa un partido nobo. Su salida a bin despues di un comentario di su ex-colega Rycond do Nascimento riba e tema di LGBT Rights.
