Diahuebs den oranan di atardi Unit Narcotica tabata tin un entrada hudicial na un percela na Appelsinastraat den Dakota.
E entrada hudicial tabata den cuadro di bendemento di droga den gran forma. Na e sitio a detene dos persona hende homber di inicialnan T naci na Aruba.
A encontra un cantidad grandi di cocaina y placa. A confisca tur esakinan pa mas investigacion.
Durante e entrada hudicial a haci uzo di teamnan di RRT, K 9 Unit, polis uniforma di Noord y playa conhuntamente cu Flex Team.
NO ta descarta cu lo por tin mas detencion pa e caso aki.
Nos no lo para keto y lo sigui investiga, haci entradanan hudicial y combati crimen pa un Aruba mas sigur pa nos hendenan y muchanan.
Bo a wak algo of tin informacion manda nos bo TIP na nos Tiplijn na 11141. Nos ta garantisa cu bo ta keda 100% anonimo
