Biblioteca Nacional Aruba a ricibi 5 ehemplar di e buki titula ‘E bahul di Clyde’ di autor local sr. Clyde Harms. Nan ta procesa esakinan, pa nan por bay tanto den circulacion como den Coleccion Nacional.

Sr. Clyde Harms ta escritor di storianan historica na Papiamento y a publica hopi articulo den corant local. Esaki ta un coleccion di 100 articulo. Pronto bishitantenan di biblioteca por lesa e buki aki.

E tematica di e articulonan ta varia pero loke ta resalta mas ta e articulonan cultural-historico. Sr. Clyde Harms a cuminsa skirbi tempo cu e tabata alumno di Juliana school.

Na 2013 sr. Harms a publica e buki ‘ Storianan di un mucha di Lagoen’. Biblioteca tin tambe den coleccion ‘Un Arubiano na Libia’ y ‘Historia di baseball di Aruba: e prome añanan. Na 2003 sr. Harms a wordo condecora como Ridder in de Orde van Oranje Nassau pa su obranan social. Sr. Harms tin 94 aña actualmente.