Riba 3 di november 2025, e celebracion di 75 aña di e Tratado Europeo pa Derechonan Humano a tuma luga na Den Haag, organisa pa Ministerio di Asuntonan Exterior y Ministerio di Husticia y Siguridad.
Hues Solange Christiaan a asisti na e celebracion aki den nomber di Corte Comun di Husticia y den e cuadro ey a duna un introduccion riba e estado di derechonan humano den e partinan Caribense di Reino. Den esaki, entre otro, a bin dilanti e sentencianan di EHRM (Corte Europeo di Derechonan Humano) den e caso di Murray (castigo di bida largo sin revision) y Corallo (circunstancianan di detencion), como tambe e sentencia di Corte Supremo (Hoge Raad) tocante habrimento di matrimonio entre personanan di mesun sexo.
Despues di esey, Solange a participa na un combersacion di panel cu Reinier van Zutphen (Ombudsman Nacional), Rick Lawson (presidente di e Colegio pa Derechonan Humano) y Jasper Krommendijk (profesor di Derechonan Humano), den cual a discuti entre otro e importancia di derechonan humano na Europa y den e partinan Caribense di Reino.
