Desaroyo di bo trahadonan ta importante y esey ta nos prioridad den nos organisacion policial. Pa realisa y hacie posibel, KPA ta traha hunto cu diferente instituto- y Cuerponan den region.
Den cuadro di esaki nos colega Frank van der Lende lo reenforsa nos partner Korps Politie Caribisch Nederland ( KPCN) na Boneiro pa dos aña.
Frank van der Lende lo ocupa e funcion di Hoofd Algemene Politiedienst (HAPD) na Boneiro pa asina e brinda su profesionalismo y conocemento pa den e departamento di Polis Uniforma. Tambe ta duna Frank e oportunidad pa eleva su conocimento den e materia aki.
Frank van der Lende tin hopi experiencia den diferente departamento di Cuerpo Policial Aruba. Su ultimo funcion den KPA tabata hefe di Polis Maritimo.
Nos di Cuerpo Policial Aruba ta desea Frank van der Lende hopi exito den e etapa nobo aki. Un agradecimento y gratitud na KPCN pa e bunita colaboracion cu nos semper tin entre e islanan ruman Aruba cu Boneiro
