E proposicion pa un Rijkswet HOFA, ta parece un cuminsamento pa haci pa Aruba mescos cu un gemeente di Hulanda, manera Bonaire. Esaki ta motiva preocupacion, pasobra Aruba ya tin toezicht financiero hopi aña. ( Ningun politico por nenga cu ya ta existi supervision y control!)
Un rijkswet nobo pa e mesun motibo no ta necesario!! Hulanda ya tin tur e herment pa corrigi of haci control financiero riba Aruba si ta necesario. Por lo tanto, e ley aki ta un paso pa kita nos autonomia poco poco.
E hende of hendenan cu ta pro HOFA, den realidad ta pidiendo cu Tweede Kamer na Hulanda ta tuma desicion pa Aruba.
Esaki ta contra e spirito di statuur di Reino i contra e principio di autonomia cu nos pueblo a lucha pa logra for di 1986.
Durante hopi aña, Aruba a traha cu banco Merikano, a saca credito na mercado internacional, sin ningun condicion politico of di gobernacion a wordo poni.
Merca nunca a pone un ley manera condicion pa nos paña prestamo.
Pero awor, un pais cu ta parti di e mesun Reino kier impone e tipo di limitacion aki.
E conclucion ta cla: HOFA ta un error.
Un error politico, un error moral, i un error contra e autonomia cu nos pueblo a gana cu tanto esfuerzo.
Nos ta reta cualke persona, pa contradici e ponencia aki: Ya tin control y ya tin supervision. No ta existi motibo pa hinke den rijkswet.
