Siman pasa a tuma lugar na Archivo Nacional Aruba e obra teatral “E Ultimo Carta”, un obra skribi y dirigi pa Sr. Charles Croes di Creative Art Aruba. E obra teatral aki ta inspira y dedica na e honor di nos Gran Heroe Nacional Boy Ecury d.f.m. cu ta recorda 81 aña di su fayecimento. Un hoben Arubiano cu a lucha pa libertad, un luchador di resistencia nacional y den Reino. Boy Ecury a wordo fusila dia 6 di november 1944, y riba e dia aki no ta recorda su lucha. Riba e dia aki tabata net un aña pasa cu Gobierno di Aruba a decreta e dia aki, como “Dia Nacional pa Conmemora tur luchador di resistencia nacional y den Reino”.
Relaciona cu esaki a organisa un actividad pa studiantenan di scol secundario dia 4 y 5 di november y dia 6 di november tabata pa e publico general. Cu e sosten financiero di UNOCA Aruba, Het Cultuurfonds Caribische Gebied y Fundacion Amigonan di Archivo a logra cu 4 scol na Aruba a bin bishita e exposicion di Archivo Nacional Aruba.
Un danki ta bay na e scolnan cu a acepta e invitacion, esta Filomena College Mavo (San Nicolas), Colegio Nigel Matthew (San Nicolas), Ceque College (Oranjestad) y Mon Plaisir College Havo/Vwo (Oranjestad), y tambe na Subway Aruba pa treat e muchanan y Arubus pa transporte di e hobennan pa Archivo Nacional Aruba.
Dia 6 di november e obra teatral a wordo presenta pa e publico general. Den un sala completamente yen, e obra a conmove esnan presente. E hobennan a ricibi aplauso grandi na final di nan presentacion. E elenco di Creative Art Aruba ta consisti di: Gideon Testing (Boy Ecury), Lupita Bernabela (Anna Ernst Ecury/Mama di Boy), Dayenne Croes (Kitty), Cassimiree Torres Mendoza (Bruha), Isabella Panneflek (Anna), Yonathan Heyliger (Chief), Daniel Caseres (Luid de Lannoy), Zylon Croes (Kees), Loui-Angelo Bislick (Imp), Sebastian Torres (Assistente di produccion), Sandro Bouman (Via Rentals – lus y zonido), Johnny Scharbaay (Musica) & Charles Croes (Escritor y Director).
Un danki ta bay na esnan cu a haci e obra y e actividad aki posibel; e personal di Archivo Nacional Aruba, directiva di Fundacion Amigonan di Archivo, UNOCA Aruba, Het Cultuurfonds Caribisch Gebied, Charles Croes y Creative Art Aruba, Departamento di Cultura Aruba, Sr. Jhon Freddy Montoya, Sr. Johnny Scharbaay, Via Rentals, Subway Aruba, e scolnan cu a bishita nos.
Nos kier gradici Sr. Boy Ecury pa su aporte na e proyecto y tambe na artista Vanessa Paulina cu a presta nos, dos di su obranan di arte di Boy Ecury (aña 2024), pa asina por a expone nan durante e dianan cu a pasa.
