Den cuadro di celebracion di dia Internacional di Derecho di Mucha y 26 aña di inversion di parti di 131 Aruba den nos muchanan y hobenan di Aruba, bandera di 131 Aruba a ser hisa na 25 rotonde rond di Aruba. Di San Nicolas te cu Noord e banderanan di 131 Aruba ta visibel.
Un di e partnernan mas importante di 131 Aruba ta e mayornan. E mayor ta esun cu, na momento cu e no por tey pa su yiu door cu e tin cu labora por ehempel, por dirigi su yiu pa tuma contacto cu 131 Aruba. 131 Aruba ta aliado di e mayor den educacion di su yiunan. Pa medio di e banderanan ariba e rotondenan, e mayor ta ser concientisa cu 131 Aruba tey pa su yiu. E banderanan lo waya ariba e rotondenan di 20 te cu 27 di november.
Partnernan strategico cu a sostene e proyecto aki ta DOW, Watty Vos BLVD y Green Corridor Aruba.
Tambe nos kier a gradici nos otro partnernan cu ta tuma nan impacto social hopi serio y ta inverti den e muchanan y hobenan di Aruba y 131 Aruba. Un gradicimento ta bay na Setar N.V., Aruba Airport Authority N.V., WEB Aruba N.V., The Salamander Group, Aruba Hotel and Tourism Association, Telearuba, Green Corridor, Watty Vos BLVD, Marriott Resort Aruba, Vacation Aruba.com, New India Assurance, N.V. ELMAR, The Movies y MetaCorp N.V. cu ta haci hopi trabao di 131 Aruba posibel.
Pa mas informacion tocante e bandera di 131 Aruba por tuma contacto via nos website: 131.aw, Instagram: Instagram: 131aruba, facebook: https://www.facebook.com/aruba.131, email: 131aruba@gmail.com of telefon 5886138/ 5884011.
