Pa ‘Dia internacional di Adulto mayor’ Biblioteca Nacional Aruba ta enfoca riba e importancia di lesa pa tur pero muy en especial e Adulto mayor.
Lesamento ta habri porta pa imaginacion, conocemento, comprende bo mes, otro y nos mundo. No ta importa si e ta un pagina awe of un capitulo. Lesa maske ta un rato, e ta beneficioso. Siña algo nobo, disfruta di un bon storia of alimenta bo creatividad, bishita bo biblioteca y laga e aventura cuminsa! Biblioteca ta ofrece un coleccion grandi di tur tipo di buki na Papiamento, Hulandes, Ingles, Spaño y Frances.
Pa e salud di nos celebro lesamento ta bon. Lesa un mey ora pa dia por yuda tene e celebro fit y ta baha e riesgo di demencia. Lesa hunto ta stimula combersacion. Storianan di antes por trece recuerdo bunita. Lesamento ta reduci stress y ta relaha bo.
Biblioteca tin un coleccion special di buki cu letter grandi. E coleccion aki ta pa adulto mayor, tambe personanan cu bista limita of personanan cu dyslexia. E coleccion aki ta ofrece buki na Hulandes y Ingles. Buki cu letter grandi ta mas facil pa lesa.
Biblioteca ta ofrece su miembronan e servicio gratis di fia y lesa Ebooks y scucha audiobooks. Miembronan por lesa revista tambe. Miembronan di biblioteca cu ta desea di registra pa e servicio aki di onlinebibliotheek ta manda un email pa info@bibliotecanacional.aw
Por join of crea un Bookclub
Un bookclub ta wordo forma dor di un par di hende cu ta gusta lesa y cu ta gusta intercambia di idea y comparti experencia. Bo ta haya e oportunidad pa combersa cu otro riba e storia, e tema di un buki, e estilo di skirbi, e autor y su meta cu e buki y otro aspectonan di e buki den un ambiente ameno.
Pa scucha combersacion riba e tema di lesamento, biblioteca ta ofrece un Podcast riba su website.
Nos ta ofrece usuario e posibilidad pa busca buki y otro material den nos catalogo online. Esaki por for di cas mes, scol, oficina, di unda sea. Esaki ta hacie mas facil pa localisa e buki cu bo mester. E ta facilita cualkier buskeda y/of investigacion. Por accesa e catalogo di biblioteca door di type un titulo, nomber di autor of topico den search bar riba Homepage di biblioteca su website. Pa cualkier pregunta manda un mail pa info@bibliotecanacional.aw
