Por ta bo reacciona mes ora y puntra dicon mi tin cu haci esey? Awel E ta unico cu por cambia, bo bida, trece arepentimento y pordon di pica, duna bo un bida nobo y cu por saca bo for di scuridad, y trece bo na Su lus , cual ta libra bo di tur condenacion y duna bo bida eterna.
Y awor bo por reconoce cu bo tin un bida nobo, un donjo nobo pa bo bida, antes e diabel tabata domina, pero awor bo tin e libertad den Cristo Hesus. Un libertad unico, pa alaba y glorifica Su nomber, un libertad pa duna gloria na Dios, tur momento, bo ta un criatura nobo den Cristo Hesus, tur cos bieu a pasa y a wordo haci nobo.
Tur locual cu nos ta haci pa Senjor mester ta constantemente, no ta exsisti pa un creyente, un temporada cu e ta alaba Senjor y un temporada cu e ta aleha for di Senjor pa bay den mundo y disfruta y despues bin bek den Senjor, pasobra Senjor ta busca esnan cu ta perservera den dj’E y ta constantemente den su presencia.
Awor cu e Dios di pas mes santifica boso completamente: y cu boso spirito alma y curpa sea preserva completamente sin culpa na e binida di nos Senjor Hesus Cristo. Fiel ta esun cu ta yama boso, y E lo haci esaki sosode tambe.( 1 Thesalonisensenan 5: 23-24).
Locual nos declara cu nos boca esey ta sosode cu nos bida, pasobra manera un hende ta pensa asina e ta, si pensamento di orguyo y arogancia ta biba den un persona, orguyo y arogancia lo manifesta, pasobra e no por sconde esey den su actitud, te na momento cu e arepenti, y busca humildad di Dios.
Nos mester declara Cristo Hesus como Rey y Senjor riba nos bida constantemente pa e siguiente motibo:
Pesey tambe Dios a hals’E te na halturanan y a dun’E e nomber cu ta riba tur nomber,cu pa e nomber di Hesus, tur rudia mester dobla, di esnan cu ta den cielo,y riba tera, y bao di tera, y cu tur lenga mester confesa cu Hesus Cristo ta Senjor, pa e gloria di Dios Tata.( Filipensenan 2:9-11).
Pasobra si nos biba ta pa Senjor, nos ta biba,of si nos muri ta pa Senjor nos ta muri, sea cu nos biba, of cu nos muri ta di Senjor nos ta. ( Romanonan 14;8-9).
Cu si bo confesa cu bo boca Hesus como Senjor, y kere den bo curason cu Dios a lant’E for di mortonan, lo bo ta salba. Pasobra cu curason hende ta kere pa hanja husticia, y cu boca e ta confesa pa hanja salbacion.( Romanonan 10:9-10).
Pesey mescos cu boso a ricibi Cristo Hesus, asina cana den dj’E , siendo firmemente araiga,y awor edifica den dj’E y estableci den boso fe,mescos cu boso a wordo instrui, y ta abunda den gradicimento.( Colosensenan 2:6-7).
Ta Senjor Cristo ta Esun cu boso ta sirbi. Pasobra esun cu haci malo lo ricibi e consecuencianan di e maldad cu e a haci, y esey sin distincion di persona.( Colosensenan 3 : 24-25).
Si nos bisa cu nos tin comunion cun’E y sinembargo nos ta cana den scuridad.nos ta ganja y no ta practica e berdad.
Ta tempo pa nos tur haci tur esfuerso pa yega na e trono di gracia di Dios, pa nos por ricibi pronto auxilio y ayudo na tempo.
Senjor lo cubri nos bida cu su misericordia.
Sinceramente, Pastor Marcel Balootje
