Diabierna 28 di november, Filomena College MAVO a organisa un mainta informativo pa alumnonan di Ciclo Avansa 1 y 2. Durante e mainta educativo aki, diferente instancia y profesionalnan a duna charla y orientacion riba profesion- y escohencianan pa futuro.
Instancianan cu a contribui y duna di nan tempo y comparti nan experticio tabata: Coast Guard bou auspicio di Sr. M.Gonzalez Perret, Arumil bou auspicio di Lieutenant Jean Louis Peterson, Xavier University Aruba, Scol pa Polis (KPA), Dr. Edwin Leyba, Trahador Social Sra. Miriam Illidge y Sra. Zahira Peterson, Abogado Mr. Demis Illis, ICT Specialist Joseph Winterdal, ATA Derchlien Dijkhoff, A&T Marketing Sra. Ann Nicolle Thijsen, Slachtofferhulp Sra. Janine Rodriguez y Entrepreneur Sr. Omar-Steve Lejuez.
Tabata hopi interesante, bunita pa mira y pa experencia algun di e oradornan cu tabata ex-alumno di Filomena College MAVO y cu awor ta profesional, cu a bolbe bek na nan ex-scol pa inspira y guia e generacion nobo. Banda di orientacion profesional, alumnonan a haya tambe mensahe pa bida, pa yudanan pa scohe bon pa nan futuro.
Un danki special ta bay na e tremendo team di mentornan di Filomena College MAVO cu a hacitur esaki posibel:
Mentornan CA1: Meneer Farro, Meneer Aroeman, Juffrouw Sierra.
Mentornan CA2: juffrouw Paul, meneer Romero y esaki bou di Guia di decanonan: juffrouw Leslie y juffrouw Franken
Danki tambe na Directorado Sra. R. Lampe y Sra. J. Oduber y tur otro docente cu a yuda durante e mainta aki. Sigur e tabata un mainta educativo y motivante pa alumnonan di Filomena College MAVO.
DANKI UN BIAHA MAS NA UN Y TUR.
