Ban Wiki! ta un evento mensual (online y den persona) unda bo por haci pregunta, conoce otro boluntarionan y siña con pa edita Wikipedia y otro plataformanan di Wikimedia.
E prome evento ta un tayer di Wikimedia Commons unda lo enfoca riba Carnival di Aruba, participantenan por yuda amplia e galeria di Carnaval 2026 riba Wikimedia Commons e database di imagen tras di Wikipedia. Djis bini cu bo coleccion di potret sea riba telefon of computer. Experencia no ta nessesario!
Ban Wiki! Tayer di Wikimedia Commons
Fecha: 26 di Januari 2026
Ora: 5:00 PM – 7:00 PM (AST)
Lugar: Biblioteca Nacional, Oranjestad
E di dos evento ta tuma lugar online dirigi specialmente na personanan y ekiponan cu ta traha den organisacionnan di GLAM:(Galleries) Galeria, (Libraries) Biblioteca, (Archives) Archivo y (Museums) Museo, cu ta participa den digitalisacion di coleccion y haci conocemento cultural mas accesibel pa publico.
E sesion ta habri tambe pa tur hende cu kier siña con pa edita Wikipedia, agrega potret riba Wikimedia Commons, of añadi items riba Wikidata. Cu of sin experiencia, tur hende ta bon bini.
Ban Wiki! Online
Fecha: 30 di Januari 2026
Ora: 10:00 AM – 11:30 AM (AST)
Plataforma: Google Meet
Crea un cuenta di Wikipedia
Pa por participa activamente den cualkier di e dos evento, ta rekeri pa crea un cuenta di Wikipedia, pa bo por haci edicion riba tur plataforma di Wikimedia.
Bo no tin un cuenta ainda? Bishita nos pagina di YouTube – Wikipedia riba Aruba of nos pagina di conocemento pa instruccion paso-pa-paso.
Registracion
Ta invita tur persona cu ta interesa pa registra nan participacion via e formulario di registracion riba nos pagina principal www.wikipediaonaruba.org, y sigui nos riba media social pa keda informa di nos ultimo actividadnan.
Potret:
Evento di Wikipedia riba Aruba na Biblioteca Nacional Aruba, Oranjestad Evento di Wikipedia riba Aruba na Biblioteca Nacional Aruba, Oranjestad Parada Grandi San Nicolaas Carnaval 71, Aruba – Maart, 1 2025
