Bucuti & Tara Beach Resort, Aruba a bolbe logra su renobacion di certificacion di Green Globe, reconfirmando su compromiso cu mas cu dos decada di liderato ambiental verifica y demonstrando cu hospitalidad excelente y sostenibilidad sin compromiso por bay man den man. E resort carbon-neutral ta keda e unico hotel na mundo cu a logra dos puntuacion perfecto di 100% den e evaluacion di Green Globe y ta sigui mantene su estado di Platinum, reconoci pa su esfuersonan excelente den area ambiental, social y economico. Bucuti & Tara tambe ta e unico propiedad cu a ricibi e titulo di Green Globe como “E Hotel/Resort Mas Sostenibel di Mundo.” E renovacion di certificacion a sigui un evaluacion remoto detaya, durante cual a wordo confirma cu e resort ta sigui cumpli de forma consistente cu e standardnan internacional riguroso di Green Globe.
Un herencia funda riba compromiso activo
For di su inicio, Bucuti & Tara a pone enfasis riba accion concreto y midibel den lugar di solamente promesa idealista. Sostenibilidad ta integra den tur aspecto di su operacion, incluyendo eficiencia energico, maneho responsabel di awa, reduccion di desperdicio, seleccion di suministradornan responsabel, educacion di personal, participacion comunitario y proteccion di biodiversidad.
Durante casi cuatro decada, Bucuti & Tara a desaroya mas cu 400 iniciativa di accion, sosteni pa certificacionnan manera Green Globe Platinum, CarbonNeutral, LEED Gold y Travelife Gold, y alinea cu e Objetivonan di Desaroyo Sostenibel di e Nacion Uni.
E liderato di e resort tambe a ricibi reconocimento internacional, incluyendo e Global UN Climate Action Award, caminda e Nacion Uni a nombra su programa di sostenibilidad como un strategia cu por wordo aplica y implementa riba nivel amplio.
Logronan di sostenibilidad y metanan clave pa e aña cu ta bin
Bucuti & Tara Beach Resort ta sigui avansa metanan ambicioso basa riba transparencia, verificacion y impacto midibel cu ta inclui:
- Gastronomia liber di fosil: Elements Restaurant ta opera awor cu un cushina 100% electrico, sin uzo di gas ni otro fuel di fosil, resultando den un reduccion di 18% den consumo di energia.
- Eliminacion total di gas den laundry: Durante 2026 e resort lo completa e transicion na un laundry 100% electrico, eliminando completamente e ultimo operacion cu depende di gas y asina elimina e uso total di gas den e propiedad.
- Expansion di su “carbon sink”: Via “The Bucuti Tara–GMC Nature Preserve”—un area proteha di 32 acre (13 hectar) dedica na plantacion y restauracion di habitat—e resort ta activamente kitando carbon for di atmosfera mientras ta restaura e ecosistemanan nativo. Den colaboracion cu Ban Lanta y Planta, Bucuti & Tara a planta 1,200 palo di mata den 2025, fortaleciendo biodiversidad, sosteniendo fauna local y contribuyendo na resiliencia climatico pa bienestar continua.
- Progreso pa logra Net Zero: Den 2026, e resort lo ricibi su certificacion como Net Zero pa Scope 1 y Scope 2, marcando un punto culminante den su progreso ambiental.
- Impacto den bienestar di animal: E programa Stimami Sterilisami, maneha pa Bucuti & Tara, a logra 46,352 sterilisacion di mascota for di 2016 y ta garantisa acceso liber pa sterilisacion den cada zona di Aruba.
Demostrando cu sostenibilidad y excelencia por bai man den man
Bucuti & Tara Beach Resort ta e hotel mas eco-certifica di Caribe y ta sigui sobresali den ranking global di turismo. E resort ta sirbi como e prueba cu un experiencia di vakantie exclusivo y respet pa medio ambiente por bai man den man.
Den su mas reciente logro, Bucuti & Tara a ser nombra Hotel Number 5 di Mundo y Hotel Number 1 di Caribe segun Tripadvisor. Su restaurant distingui Elements a ricibi e titulacion prestigioso di Miho Restaurant Gastronomico di Caribe.
E resort ta sigui ricibi honornan anual di publicacionnan renombra internacional manera Travel + Leisure, Condé Nast Traveler y Forbes, destacando consistentemente su esfuersonan den servicio personalisa, ambiente romantico, bienestar integral y un nivel di hospitalidad cu ta sobresali.
Un vakantie sin remordimento—un oportunidad pa haci bon pa bo mes y pa e planeta
Como e prome y unico hotel carbon-neutral certifica den Caribe, Bucuti & Tara Beach Resort ta ofrece un experiencia unico den su tipo: un escape sin remordimento, caminda romanticismo, conforme y sostenibilidad ta uni den harmonia. Cada estadia ta contribui activamente na un planeta mas saludabel—ofreciendo un forma di biaha cu tin impacto positivo midibel.
