Cu por lo menos 14 pasahero hoga entre Venezuela y Trinidad, e cantidad di victima mortal di un tragedia historico ta creciendo: e Venezolanonan ta atrapa entre e traficantenan di persona, e dictadura di Maduro y e indiferencia di e Gobierno di Trinidad y otro Gobiernonan.
Curpanan
Riba e anochi di dia 12 di december: mientras cu paisnan manera Merca y Canada ta cuminsa distribui e vacuna Pfizer-BioNTech, pa conbati COVID-19, Nicolas Maduro ta manda un video desde Hotel Humboldt na Caracas y e oposicion ta duna resultado di e referendum cu no ta coresponde cu e informacion cu ti algun medio di comunicacion.
Y riba rednan social, ta circula imagen di e curpa di 11 migrantenan, incluyendo mucha chikito, cu a hoga den e Golfo di Paria e siman aki.
E curpanan a wordo recogi cerca di Guiria, na e costa noordoost di Venezuela, pa un patruya di e ehercito Venezolano. E Gobierno ta informa e recuperacion di tres curpa mas.
A informa cu e barco cu diesnuebe pasahero a disparce. Segun David Smolansky, coordinado di e crisis migrtorio designa pa e Asamblea Nacional, e embarcacion por a bin di Trinidad, manera cu a sosode no mucho tempo pasa cu otro boto cu a transporta menornan cu finalmente a bay bek e isla pa nan keda atrapa eynan y encadena.
“Esaki ta otro berguensa cu riba su mes ta ilustra e magnitud di e colapso di nos pais,” e un grupo di Caracas a skirbi.
“Otro berguensa cu ta pasando y nos sa cu e lo sigui pasa. Otro berguensa cu ta mustra e forma cu hopi Venezolano ta muri frente e vulnerabilidadnan crea pa e Estado y su rednan criminal.”
Accidentenan
E incidentenan cu boto cu a transporta migrante cu destino na e islanan cercano na Venezuela a cuminsa na 2018.
Cuanto mas rason tin pa migra, mayor ta e riesgonan cu migrantenan ta core y mayor e demanda ta di e traficantenan.
Ta e criminalnan ta cobra hopi placa pa e traslado ilegal di Venezolano pa Trinidad, of pa e islanan Corsou, Aruba y Boneiro.
Y mientras cu tin mas demanda di e servicionan aki di contrabando, ta envolvi mas placa, ta incorporando mas funcionario publico na e negoshi y cu cada biaha menos medida di siguridad.
E migrantenan cu anteriormente a huy y a bay na un di e islanan aki ta paga pa traslada nan famia.
Of e traficantenan ta recluta muchanan den comunidadnan pober di Venezuela y ta ofrece nan trabao legal na Trinidad y Corsou, ora cu en realidad nan ta haya nan mes obliga di caba na traha den burdel.
Den e contexto aki, accidentenan maritimo ta cada biaha mas habitual. Desde inicio di e explosion migratorio, a muri decenas di mucha, muhe y hombernan Venezolano.
Hopi tambe a disparce, pa cual no tin forma di determina un cantidad confiabel. Ta un otro misterio dentro di e realidad scur di e tragedia Venezolano, manera e desaparecidonan den e minanan parti zuid di Venezuela, of entre e gruponan migrante iregular di Colombia.
“E barconan cu por bay riba lama y autoridadnan cu ta laga e barconan aki pasa sin control ta mira pa otro banda of nan ta wordo soborna,” e grupo di Caracas a bisa.
“E ehercito y polis Venezolano, cu tur nan limitacionnan, simplemente ta permitiendo cu esaki ta sosode y ta pidi placa.”
Como resultado, e salvaguarda di e derechonan humano di e migrantenan ta pertenece na e paisnan receptor pa otorga nan acceso legal of ilegal na nan teritorio.
E cumplimento di e paisnan ta depende di factornan politico y capacidadnan operativo.
