E parlamentario actual Stefany Sevinger ta enfrenta awe un problema serio di confianza publico despues cu corte a sentencia y ratifica condena di su tata na cuatro aña di prison pa corrupcion, segun e conclucion di Abogado General na Hulanda.
E sentencia no ta un rumor ni un acusacion politico, sino un hecho legal comproba. Segun loke a wordo presenta na corte, e uso ilegal di fondo publico no a keda limita solamente na e persona condena, sino cu e beneficio a toca e entorno familiar. E dato ey a wordu discuti y evalua durante e proceso hudicial.
Aki no ta trata di a hereda hn culpa penal. E ley ta cla cu cada hende ta responsabel pa su propio acto. Pero den politica, e discusion ta mas amplio. Responsabilidad moral y etica ta parti esencial di representacion publico. Pa hopi ciudadano, e situacion actual ta percibi como un berguenza politico.
E pregunta cu ta bini naturalmente ta: cu cua cara un parlamentaria por señala otro di corrupcion, ora corte a comproba cu corrupcion a pasa asina serca di su propio cas? E cuestion ey no ta legal, sino di credibilidad y coherencia.
Un figura publico mester ta un bon ehempel. Ora confianza di pueblo ta keda na duda, hopi biaha e solucion no ta den ley, sino den consenshi. Pa esey, ta legitimo cu pueblo ta pidi pa Stefany Sevinger saca su conclusion politico y reflexiona seriamente riba su continuacion den funccjon cu ta sirbi e interes di pais y di transparencia.
Lo sigui informa y analiza e situacion cu responsabilidad, pasobra pueblo merese sa!
