Minister di Husticia, mr. Arthur Dowers, ta expresa elogio na Cuerpo di Polis Aruba, Taskforce Crimen Organisa y Warda Costa pa nan excelente trabao realisa den oranan trempan di mainta.
Durante un operacion coordina, Kustwacht y Polis a logra intercepta un cantidad grandi di droga y a aresta dos persona sospecha di contrabanda. E accion rapido y profesional a evita cu e droga a yega na comunidad y a duna un golpi fuerte contra criminalidad organisa.
Minister Dowers a enfatisa cu esaki ta un ehempel cla di cooperacion efectivo entre e diferente instancianan di siguridad, y di e compromiso continuo pa mantene Aruba sigur. Minister Dowers a subraya cu Gobierno di Aruba ta sigui apoya y fortalece e capacidad di e forsanan di orden pubico, reconociendo cu nan trabao ta esencial pa combati criminalidad, proteha nos frontera y garantisa siguridad publico.
Bon cooperacion entre instancianan di siguridad ta di vital importancia, y cu e intercepcion aki, husticia a dal un paso firme den e lucha contra traficacion di substancianan ilegal y crimen organisa.
