Diabierna e reunion di Corte a tuma luga, caminda entre otro a discuti e recomendacion di e comision di seleccion pa Presidente y e votacion tocante esaki a tuma luga.
Basa riba e votacion aki, e directiva lo recomenda Sigmar Carmelia por escrito na e Ministernan di Husticia di e cuater paisnan, conforme loke tin para den e Ley di Reino.
Despues, e ministernan lo haci un propuesta pa nombracion pa e Conseho di Minister di Reino.
E Conseho di Minister di Reino (pues incluyendo e ministernan plenipotenciario di e tres paisnan) lo dicidi riba e propuesta aki pa e Presidente. Despues di esaki lo bira conoci ken lo ta e Presidente nobo.
Ta wordo spera cu e Conseho di Minister di Reino lo trata e propuesta prome cu zomer.
