Pasobra Dios a stima mundo asina tanto, Cu E a duna Su Yiu unigenito, pa ken cu kere den dj’E no bay perdi , ma tin bida eterna. ( Juan 3;16-18).
Esun cu kere den e Yiu tin bida eterno,ma esun cu no obedece e Yiu lo no mira bida, ma e furia di Dios, ta keda riba dje,( Juan 3;36).
Ora hende no ta kere y ta rechasa e amor di Dios, nan ta bira vulnerable pa miedo, ansiedad, decepcion y mentira di e enemigo.
Dios a manda spiertamento hopi serio kico lo ta e consecuencia di hende cu no kier reconoce Dios, bisando:
Y mescos cu nan no a hanja necesario,mas pa reconoce Dios, Dios a entrega nan na un mente perverso pa haci cosnan cu no ta cumbini.( Romanonan1: 28-32).
For di den testament bieu , Dios a splica hopi cla na e pueblo di Israel cu tabata mirando su amor pa nan tur dia, pero toch tabata rebeldia y murmura, cu nan lo muri den desierto y lo no drenta e tera priminti. ( Numbernan 14:26-29).
Awor tur e cosnan aki a sosode como ehempel pa nos,pa nos no tin deseo pa cosnan malo, manera nan tabatin,( 1 Corintionan 10:6).
Y no laga nos lubida esaki; Tur scritura ta inspira pa Dios y ta util pa ensenansa, pa reprendemento, pa coreccion,pa educa den husticia, pa e hende di Dios por ta perfecto, ekipa pa tur bon obra.( 2 Timoteo 3:16)
Ningun hende lo bay tin excuus dilanti di Dios, pasobra cada ken lo tin di duna cuenta personalmente na Dios.
Palabra di Dios ta bolbe recorda nos bisando den Romanonan 2:5 : Ma pa motibo di bo capricho, y bo curason cu no ta repenti, bo ta montona furia pa bo mes,den e dia di furia y revelacion di e huicio hustu di Dios.
Dia pa dia hende ta demostra nan rebeldia contra Dios su Palabra, Su Mandamento, y Su boluntad, hende ta rebeldia, verbalmente, mentalmente y awor mas cu nunca fisicamente, y hasta ta haci cambio na nan curpa , pa demostra cu nan no ta di acuerdo con Dios a crea nan.
Pero di otro banda Dios su palabra ta bisa lo siguiente den 2 Tesalonisensenan 2: 10-12.
Y cu tur e enganjo di inikidad pa esnan cu ta perese, pasobra nan no a acepta e amor pa e berdad,pa nan por wordo salba. Y pa e motibo aki, Dios lo manda riba nan un influencia di error, pa nan kere mentira. Pa nan tur wordo husga, kendenan no a kere den e berdad, ma a hiba gusto den e maldad.
Tur esnan cu ta kere cu nan por hai wega cu Dios, tur esnan cu ta haci chercha di Dios, cu conoce e berdad pero toch ta sigi cana den caminda di error pensando cu Senjor su binida lo bay tarda, y cu ta haci mal uso di e gracia di Dios, pa libertinahe, lo hanja gran sopresa, pasobra ningun hende no sa e dia y e ora cu Senjor lo bini.
Pesey nos mester balora e amor di Dios, cual E a duna nos den Cristo Hesus, pasobra Dios a bisa bon cla pa tur hende por compronde . esun cu kere lo wordo salba y esun cu no kere ta condena caba, pasobra e no a kere den e Yiu unigenito di Dios.
Ta un caminda tin, ta un salbacion tin, y esey ta den Cristo Hesus. Kende ta e caminda di berdad y e bida.
Laga nos no rechasa e amor di nos Salbador Hesus Cristo.
Sinceramente,Pastor Marcel Balootje
