Dialuna den careda di 1’or di merdia un vuelo di Jet Blue a baha na Aruba, pero cu u menasa cu lo tin un bom abordo.
Airport Authority mesora a manda comunicado, bisando cu Airport ta cera y cu esaki tawata pa motibo di security related situation. Avionnan a wordo desvia pa otro Airport den vecindario.
Pero, mientras tanto informacion a cuminsa circula cu lo tawata trata di bommelding.
Despues di hopi minuutnan di delibera, a cera camindanan cu ta bay pa Airport. Na prome instante 2 bus tawata para cerca pa bay busca e pasaheronan, pero nan a wordo movi di e sitio.
Tambe por a mira un avion cu tawata na gate tambe awordo movi y staciona mas leu.
Despues di mas cu 1 ora un caravana di polis a yega hunto cu autoridad di aeropuerto y tambe busnan.
Nan a acerca e avion y por a mira cu algun minuut despues e pasaheronan a cuminsa baha, pasando via pionan oranje pa nan por yega na e busnan.
Riba pista por a mira un k9 tambe cu posiblemente lo wordo usa pa controla e avion.
Cuator pasa Airport Authority ta manda comunicado cu e aeropuerto ta habri bek, pero cu lo por spera tardanza y filanan.
