Na conmemoracion di celebracion di e fecha18 di maart, Dia nacional di nos Himno y Bandera, Fundacion CBN ta organisa un tremendo “Fiesta Arubiano”.
E evento anual, cu ta celebra nos identidad nacional y nos herencia di tin nos propio himno y nos bandera, lo tuma lugar dia 18 di maart 2026 di 12:00 pm te 6:00 pm.
E programa oficial di Fiesta Arubiano ta carga cu variedad y talento local, ofreciendo algo pa tur edad. For di entregamento di Premio Meneer Ovito Tromp, shownan di baile dinamico, declamacion di poesia, presentacion di diferente artistanan cu ta ganadornan di Festival di Himno y Bandera y sin falta presentacionnan musical di bandanan local y tradicional, e Fiesta Arubiano ta priminti di ta yen di zjeyto.
Pa tur detayes di nos programa oficial pa e evento Fiesta Arubiano, follow y like nos Page riba Facebook: Centro di Bario Noord.
Durante e celebracion di Fiesta Arubiano lo tin un skina special pa nos muchanan, tambe lo tin un bar y un cushina bon surti y lo tin diferente tentnan ofreciendo boeki, artesania, diferente cuminda tipico y boca dushi.
CBN ta extende un cordial y caluroso invitacion na pueblo di Noord en particular y Aruba en general pa bin manera semper y celebra cu nos un dushi Fiesta Arubiano na CBN.
Evento: Fiesta Arubiano
Fecha:18 di Maart 2026
Hora: 12:00 pm – 6:00 pm
Lugar: CBN Pa mas informacion por tuma contacto cu Centro di Bario Noord via whatsapp 5682935 of tambe por via email: ligiaplcbn@gmail.com.
