Ateliers ’89 Punto di Beyas Arte Aruba ta invita tur persona cu interes den arte di fotografia pa participa den nan proximo workshop cu lo tuma luga den luna di April 2026. E biaha aki, e artista y fotografo renombra Fernando Vermeer lo ta na encargo pa guia e participantenan den un exploracion profundo di tecnica y creatividad.
E workshop ta diseña tanto pa principiante como pa personanan cu kier hiba nan conocemento na un nivel profesional o academico. Cu un enfoke special riba fotografia nocturno y e arte di conta storia a traves di luz, e curso aki ta priminti di ta un experencia transformativo pa e studiantenan.
Detaye di e curso
E lesnan lo ranca sali riba diamars 7 di April. Pa motibo di di luna di Pasco Grandi, e prome siman so lo tin un cambio unda e lesnan lo ta riba diamars, diaranson y diahuebs. Despues di esey, e horario regular lo ta tur dialuna, diamars y diahuebs, for di 6:30 pm pa 9:30 pm.
E workshop ta habri pa tur persona for di 14 aña bay ariba. No ta rekeri experiencia previo, ya cu e guia lo ta individualisa pa cada participante por upgrade nan tecnica segun nan propio nivel.
Contenido y Exposicion
Durante e luna, e participantenan lo siña conceptonan fundamental manera:
- Maneho di ISO, speed y apertura den scuridad.
- Tecnica di “Long Exposure” y control di “noise”.
- Composicion, framing y “storytelling” visual.
- Edicion di potret y preparacion pa impresion profesional.
Como clausura di e workshop, lo tin un exposicion grandi riba diahuebs 30 di April pa 8:00 pm den e salanan di Ateliers ’89. Akinan e publico lo por aprecia e obranan cu e studiantenan a crea durante e curso.
Inscripcion
Interesadonan por inscribi for di awor caba mandando un email na elvis@ateliers89.org of yama pa mas informacion na e celular 5654613 durante oranan di trabou. No perde e oportunidad aki pa siña for di un experto cu trayectoria internacional desde 1998.
