Diasabra atardi rond di 3’or y mey a sosode un accidente serio riba e t-kruising dilanti di ASD.
Mesora a manda unidad di Brandweer, debi cu a pensa cu un persona lo a keda pega den auto.
E impacto tawata asina duro cu e cura di hero di e compania menciona a wordo kibra manda paden.
Na e sitio nos a compronde cu e Mitsubishi Lancer bayendo direccion panort a wordo sorprendi pa un Chevrolet Captiva cu a dal den e banda rechts, ora cu e la subi caminda for di Caya Soeur Dionysia.
E ta dal e Lancer pege contra e cura di hero kibrando esaki, pa despues sigui bay pega bou un container staciona riba e tereno.
Paramediconan a controla esnan envolvi y por a mira despues di un rato e chauffeur di e Lancer sali cana bay na e ambulance, siendo cu e impacto tawata den su banda. Pues e chauffeur ta scapa.
Polis di trafico a presenta y hunto cu Forensys lo cuminsa nan investigacion, aunke cu e ta basta duidelijk.
Mrs. Lacle
