Pasobra Dios a stima asina tanto, cu E a duna Su Yiu unigenito, pa ken cu kere den dj’E no bay perdi, m tin bida eterno.(Juan 3:16)
Dios den Su inmenso amor no a exclui ningun hende,no tin ningun hende riba mundo cu por bisa cu Dios na ta stima nan, Dios ta stima tur hende, locual a keda proba ta cu hende no stima Dios, hende ta rechasa Dios, hende no tin temor di Dios, y hende no kier biba pa Dios.
Ora nos mira cuanto gera ta bay rond, cuanto hende ta muri, cuanto hende ta planea pa mata otro. Con hende ta odia otro. No solamente odio personal, pero nos ta mira con un nacion ta odia otro nacion, y no ta un cos temporal, pero ta odio religioso cu ta existi miles di anja, y cu nunca nan a laga los, y nunca nan kier a yega na un reconciliacion, alcontrario cada bes e odio ta aumenta. Awor bo por haci e pregunta e hendenan aki no sa cu Dios ta stima nan y cu nan mester stima otro?.
Palabra di Dios ta bisa lo siguiente: Pesey prome cu tur cos, mi ta exhorta pa suplica, oracion, peticion,y gradicimento wordo haci,pa tur hende,pa reinan , pa tur esnan cu ta den autoridad,pa nos hiba un bida trankil, y keto den tur santidad y dignidad.
Esaki ta bon y aceptabel den bista di Dios nos Salbador, Kende ta desea pa tur hende wordo salba, y yega na conocemento di e berdad.
Pasobra ta un Dios so tin y un Mediador tambe entre Dios y hende, e hende Cristo Hesus.kende a duna Su mes como e preis di rescate pa tur hende.( 1 Timoteo 2:1-6).
Awor ta conoci pa nos tur cu pica ta separa hende for di Dios, pero e amor di Dios ta hala hende serca Dios, pasobra e palabra di Dios ta bisa hopi cla: Den amor e a predestina nos,pa wordo adopta,como Su yuinan pa medio di Hesus Cristo, segun e bon itencion di Su boluntad,pa e alabansa di e gloria di Su gracia, cu E a duna nos den Esun stima.
Den dj’E nos tin redencion pa medio di Su sanger, e pordon di nos picanan segun e rikesa di Su gracia, cu E a drama na abundancia riba nos.
Awor si nos wak bon . Cu pa falta di conocemento, pa rebeldia, pa odio , y pa scuridad diabolico cu hende ta biba den dje tin asina tanto matansa riba e mundo aki, pesey e palabra di Dios, ta bisa cu nos lucha no ta contra carni y sanger, pasobra locual ta sosode actualmente, ta pone hende pensa, cu por ta tin cierto hende of nacion cu no sa cu Dios ta existi of porta nan a lubida, cu palabra di Dios ta bisa cu nos mester stima Dios riba tur cos y stima nos prohimo manera nos mes?
Ma Dios siendo rico den misericordia,pa motibo di Su gran amor cu E a stima nos,hasta tempo nos tabata morto den nos transgreshonnan , a haci nos biba hunto cu Cristo.( Pa medio di gracia boso a wordo salba).( Efesionan 2:4-5).
Ma Dios ta demostra Su mes amor pa cu nos,den esaki, cu tempo nos tabata pecado ainda, Cristo a muri pa nos.( Romanonan 5:8).
E amor di Dios ta pa nos tur, pero e mundo a rechasa e amor di Dios, y a keda den scuridad, y keto bay tin hende cu ta pretende cu nan no tin mester di Dios.
Laga nos haci hopi oracion.
Sinceramente, Pastor Marcel Balootje
