Biblioteca Nacional Aruba a haya bishita for di artista y autor di buki pa mucha sr. Delno Lionel Alfeo Tromp (Kralendijk, 23 april 1967), conoci tambe bou su nomber di cariño ‘Denchi’. Denchi a trece tres publicacion nobo pa e coleccion di biblioteca na Aruba. Denchi a enrikece e coleccion cu su obra ‘Het eiland van Lionel’, ‘Shi Helena ta conta’ y ‘E kabritu cu djent’i oro’ (de geit met de gouden tand’). E bukinan a bay tur scol na Boneiro cu ayudo financiero di entro otro Nederlands Letterenfonds.
Het eiland van Lionel
Esaki ta un storia di soño, perdida y caminda bek pa cas. Lionel a lanta riba un isla chikito y ta soña di un mundo mas grandi. E ta bay studia den exterior y despues ta bolbe su isla ekipa cu hopi experencia, decepcion y speransa. Un storia di su welo ta e inicio di un buskeda pa un tesoro. Uno cu e ta bay busca hunto cu su amiga. Esaki ta bira un buskeda cu sorpresa y un caminda yen di birada, un biahe rico y bali la pena. E ilustracion riba e portada di e buki ta di Denchi mes.
Evelien van Dort: “Delno Tromp heeft zichzelf overtroffen met een prachtig geschreven novelle, genre Young Adults, die je recht in het hart raakt. In ‘Het eiland van Lionel’ neemt hij je mee in het verhaal van een achttienjarige die stap voor stap zijn eigen route vindt, zijn identiteit ontdekt en zijn band met de cultuur van het Caribische gebied verdiept. Een meeslepend, warm en hoopvol verhaal — een echt voorbeeld voor jonge mensen.
E kabritu cu djent’i oro
Esaki ta un buki na tres idioma, Papiamentu, Hulandes y Ingles. E ilustracion riba e portada di e buki ta di Denchi mes. “Riba un djárason, den kibrá di mardugá, na Tras di Montaña, a nase un mèki na kunuku di shon Bènchi. El a batisá e mèki ‘Pitu’. Sí, Pitu kabritu.” Asina e storia pa mucha ta cuminsa … E buki ta pa mucha y pa personanan cu ta desea di siña e idiomanan y pa esnan cu tin interes den e storia, balornan y manera di wak bida den Caribe. Esaki pronto lo ta den circulacion di biblioteca hubenil. Esaki ta un publicacion di Request Publishing.
Shi Helena ta konta…un buki di kuenta i poesía
‘Shi Helena ta konta…un buki di kuenta i poesia’ ta un buki di cuenta combina cu poesia bayendo bek den tempo y cu un toke cultural di norma y balor. E buki ta na tres idioma pa e yega na un publico grandi, hoben y adulto. Esaki tabta un proyecto hunto cu Fundashon Akademia Papiamentu cu tin como meta pa promove Papiamentu. (Y tambe Fundacion Munira). E buki aki tambe ta bay scol na Boneiro y tambe libreria. Pronto tur ta den circulacion na Biblioteca Nacional Aruba.
