Fundacion Salvaguardia e Herencia Cultural di Aruba (FSHCA) kier a invita Aruba completo pa e celebracion di dia di Rey. Despues di Carrousel Cultural, cu a tuma luga dia 15 di maart 2026, celebrando nos 50 aña di Himno y Bandera y nos 40 aña di nos Status Aparte, FSHCA ta continua celebra nos fiestanan cultural.
E actividad aki ta na San Nicolas y tin e titulo di Cultura Mahestuoso, cu ta celebra e dia di Rey. FSHCA tin como meta pa celebra y salvaguardia nos fiestanan cultural pa nos siguiente generacionnan.
Dia 26 di april, un diadomingo di famia, nos di FSHCA, lo trece un show di Arte y Cultura di kita sombre na Centro di Bario Lago Heights. Orario lo ta di 10 am pa 6 pm. Entrada ta gratis.
Lo tin diferente gruponan di baile local y multicultural manera Gucci Dancers, Saniflow dancers, Grupo di Baile di Centro di Bario Savaneta, Grupo di Baile Dabaruida y hopi mas.Lo tin baile di cinta di palo como tambe baile di quadrille cu ta un baile cu nos a rescata y hancr’e bek den nos Folklore.
Tambe lo tin cantantenan manera Whitney Nin, Jyvion Besselink, Stephanie Quant. Caha di Orgel Mi Amor y Tradicion Musical.
Nos bar y cushina lo ta bon surti cu cuminda crioyo, sopi, cos dushi y hopi mas.
Tur persona ta invita pa bin celebra hunto nos identidad, nos cultura, nos orguyo di a nace y ta biba na un isla bendiciona cu yama Aruba.
